患貓瘟及生癬的小貓沙嗲及沙茶

某雜貨店二樓，住了數隻貓貓，牠們都是流浪貓，但會走入雜貨店二樓的貨倉，店主也讓牠們自由進出，因為貓貓也會替他們捉老鼠，店主亦會餵飼牠們貓糧。但畢竟沒有絕育的貓貓生過沒了，店主也感到煩惱，於是聯絡我希望替他帶貓貓往絕育，這便是其中一隻貓媽

因為常有工人進出貨倉，貓媽也感到不安全，已經搬竇多次，我曾到店內找尋多次不果，還以為牠帶bb搬離了店舖，怎知數日前店主突致電說貓媽及bb出現了，於是失驚無神又仆過去接bb。去到見到d貓仔，真係慘原來都有貓瘟及生癬，店主還說呢胎有4隻，早前已經死左2隻，呢2隻如果唔係今次比我地發現，恐怕都唔挨得幾耐!

看牠們兩個瘦到皮包骨，眼仔仲發炎真係心都痛埋!

難得貓媽也在此，當然也不放過這好機會，捉埋貓媽去絕育，一併帶埋2隻貓b看醫生，去到獸醫處，碰巧又見到義工婷姐姐

婷姐姐仲陪呢2個小朋友一齊睇醫生添!醫生話2隻bb都好弱，有機會養唔大，開左d藥比佢地，仲要食特別罐頭i/d

2個小朋友已改名為沙嗲(前面)及沙茶(後面)，希望佢地食左藥後快d好返啦!仲要多謝婷姐姐捐助牠們的i/d罐頭，好在牠們都肯吃，還吃得津津有味呢!

至於牠們的貓媽，亦已順利完成絕育，送返貨倉了!貓媽希望你能保祐你2個寶寶健健康康啦!