九龍城辣蟹

大少成日想同我去食避風塘辣蟹, 幾次都食唔到, 終於, 今日佢如願以償.

近近地, 去左 "九龍城辣蟹" 食, 今次係我地第 2 次去呢間, 上次新年去, 小炒食咩無咩, 今次再比一次機會比佢.  不過, 始終佢人手比較少, 服務員趕頭趕命咁.

晚上九點幾, 全店滿座

本來我地想叫另一個套餐, 有 "瀨尿蝦" 食既, 點知賣晒, 於是, 叫左呢個二人餐.

老火湯 - 青紅蘿蔔瘦肉湯

隻蟹我地叫左小辣咋, 因我食辣程度有限

(大少就食得辣好多)

因為係 "細蟹", 所以蟹鉗唔算大

但好彩都幾好 "肉"

清炒西洋菜

油鹽水浸肥蜆

燒汁蝦仁什菌

加左 $30 要一個米線

紅豆沙 - 送既

埋單四百幾, 呢個禮拜要 "慳" D補番數至得啦

總結 : 食物 OK, 但 service 麻麻地.

經過獅子石道, 見到 "七記" 仍在.  唔知你地認唔認識 "七記" 呢?  "七記" 以前好出名架, 連張曼玉初出道時都去 "七記" 買野, 只要你有心機搵, 好多時都會搵到正野架.  不過而家類似既舖頭太多啦, 我諗 "七記" 已經無以前有咁多正野 lu...