我的魚魚日誌 (四) 又一新居入伙

尋日同馬生興致勃勃咁買左個新魚缸比屋企既魚...

size: 10"x10"x10"

price: 魚缸$40 + 燈$80 + 石仔$24 + 溫度計 $幾蚊

其實買新魚缸既原意係想比米奇bb住，等佢地有大d既空間可以快高長大...不過頭幾日就比d斑馬試下新環境c唔c服先喇....

係睇缸既過程時見到呢條藍色一間間既魚，好吸引，$10/條，名堂就唔記得喇，不過sales哥哥話呢條都係屬於惡魚，所以我地買左佢返黎就同一樣咁惡既斑馬做roommate......（其實係想睇佢地開片...hehe）

我地係魚街仲見到一條好得意既魚tim...成個身都係透明玻璃，身體中間有粒好似粒水珠既內臟，最重要係當佢一x大口時個樣好兇，好似想食人咁...

上網返黎睇，原來佢叫玻璃蝦虎 (http://aquariumfarm.com/phpBB2/viewtopic.php?t=83760)，sales哥哥話佢好似唔係點食乾糧，要食就食d紅蟲、豐年蝦呢d好味野，真係認真識食....就係因為咁嘴勺，所以我地最終都買佢返黎.....