戀愛夢遊中　The Science of Sleep

I like this movie　散場之後諗番起部分劇情，會無端端由心度笑出來。我覺得，適合一d喜歡天馬行空，又有少少童真的人睇。詳細內容同笑位唔講了，因為我知有朋友會睇。

我好鍾意男主角夢入面出現的道具，好cute。不過佢果啲無謂發明，真係得啖笑。

女主角如果靚d就更好，男主角係咁讚佢靚，我真係完全唔覺。

我係第二次睇Michel Gondry執導的電影，上一套是＜無痛失戀＞，不過整體比較起來，我喜歡<戀愛夢遊中>多少少。部分原因係我麻麻哋喜歡＜無痛失戀＞的男主角Jim Carey。

＜戀愛夢遊中＞是今年法國電影節的放映電影之一，最初以為只演一場，後來發現香港有3間戲院上映 ：AMC又一城、電影中心及Palace IFC 。雖是水準之作，但它有口碑，無人氣，我怕聖誕檔期有好多戲排住隊上映，它要讓位，所以趁星期二就走去睇。　 　

法國電影節放映的其他電影入面，我下一個目標就是開幕電影《我愛巴黎》，它將在今個星期四在百老匯電影中心及Palace IFC上映。多位來自法國及國際的電影製作人各自以巴黎的20個行政區作背景，編寫和導演一部片長５分鐘的短片歌頌浪漫。