Directed by David Frankel

《穿PRADA 的惡魔》比想像中精彩，好多對白都好係時下女仔的心態，睇起上來令人好有共鳴。加上我在傳媒工作（不過唔係時裝雜誌），女上司又係要求好高、說話好快的人（佢無Miranda咁變態，口頭禪亦唔係That’ all），而佢個秘書又係叫Emily，哈哈，想唔投入都幾難。

我覺得好睇的地方係寫實＋娛樂性豐富，雖然主線係講Miranda同Andy，但亦帶出咗一些值得反思的問題：做人老婆，究竟要事業定要婚姻？初出茅廬，究竟要屈服於別人眼光，改變自己去埋堆，還是忠於原來的自己／活在自己的社交圈子？女性如何處理同男朋友之間因職業不同產生的距離？ Andy常常對她的男友說無得揀，（其實係有，她可以選擇quit份工），這是否又係好多人逃避現實的藉口？

笑位不算多，如Emily去巴黎的減肥餐單，我估係女仔先會發出會心微笑。
整體而言，我覺得比想像中好睇及有內涵，不止是靚衫靚景而已，是近期很值得推介的電影。