大細陳

細陳:

每次同你傾電話，雖然你都有你要怨，我又有我要講既事要講，但每次都可以傾得嘻嘻哈哈，雞啄唔斷，傾到兩邊電話都無晒電cut線至願收口，真係好鬼開心。哈哈，記得有一次我地一齊響電話裡面互相為大家祈禱嘛? 下次要響電話裡面一齊感恩呢！

聽晚就係北京奧運既開幕啦！去書展o個日，你提起上一次奧運，我同你同成大班學生，一齊坐響學校既電視機前，睇郭晶晶、田亮跳水，仲同大家一齊睇到 vee ~~嘩~ yeah~~ha !!!  諗番起都幾好笑！睇完之後，我就轉左去cpt度教啦。

你親手造比我既兩對耳環，我已經戴過啦！好睇呀！不過無影相，下次約你出黎時再戴比你睇下啦！dot 晒 !

大陳