夢中人

最近我呢一科叫“仲景學說的研究及應用”，顧名思義，係研究醫聖張仲景的一本經典《傷寒雜病論》，他對於中醫學從古到今嘅發展，都有好重大嘅貢獻，可以講佢係中醫學嘅偉大人物，這本《傷寒雜病論》因戰亂散失咗，後代醫家幫佢重修就分成《傷寒論》和《金匱要略》，佢嘅經典就由我去研究啦，大家只需要知道佢係中國醫學史上嘅偉人就夠啦。

之前嗰十堂，是周教授帶領我地研究《傷寒論》值得探討嘅問題，他推翻了許多舊有嘅論點，並且加上自己嘅解釋，雄辨滔滔，實在是引發我們的思考，因為他的解說，令我也忙着找好多参考書來印証，也順道惡補一下基礎理論。

到周三起，蔣博士開始帶領我地研究《金匱要略》，她五十歲左右，南京人士，皮膚白白的，但聲線好溫柔甜美，資料也很多，唯一是她的立論，跟周教授並不一致，對我來講，也許是好的，因為我可以從他們嘅立論中，找到自己認同的部分，有自己的思想，而不只是跟人口水尾講話，但老中醫們當然有點無所適從啦。

呢兩位教授正好印証宇宙萬物都是一陰一陽，既對立也統一的，缺少其中嘅陰或陽都不可，實在有趣

可恨張仲景係東漢時代嘅人士，距離現代成幾千年啦，唔只打電話揾唔到佢，走入時光隊道都可能揾唔到佢呀，要了解佢嘅學術思想真係好困難呀！記得之前上溫病學的課，曾夢見過一些古代的温病學大醫家，點知連續幾晚都夢唔到張仲景，大概佢都好忙，晚晚忙着入唔同人嘅夢裡，未來得及找我，反而我連續幾晚，都夢見他的幾十代曾孫..老友S君

嗯佢可能提示老友S君會幫到我。