網誌分類:旅‧遊 |
圖片
網誌日期:2008-05-15 17:18

今次旅程令我在人生中上了求生的一課, 也令自己想多了人生之最的問題, 最唔放得低既, 最愛既, 最擔心既, 都通通從腦海中不斷浮現, 答案都係兩個女.

地震後, 第一時間打電話回家報平安, 但因那訊號中斷的關係, 更加令自己焦急, 當電話接通後, 可聽到大女的聲音那一刻...... 除了報平安之外, 也交托找保單負責人聯絡電話等等

晚上大家都不夠膽返回酒店休息, 想在停車場空地休息, 但因下著大雨, 我們只好返回酒店大堂, 坐到2am, 因人太多, 而且有人吸煙, 我們便返回房屋休息. 我連鞋也沒有脫掉, 坐在床上. 心裡的感覺真不好受! 放了一杯水在桌上, 眼裡只有一杯水, 偶一有震動, 便往那逃生方向跑, 又因這間酒店實在太多人入住, 又擔心逃不了, 總之一句, 可用"心靈脆弱"來形容. 唯一可以做的就是祈禱

其實在那裡我們並非感到大的震動, 只是餘震. 但對於我地呢班香港人(有其他台灣,日本及外籍人士就非常鎮定, 還四處影相, 處之泰然), 毫無經驗的香港人就變得束手無策, 將所有食物, 証件, 禦寒衣物都緊貼在身, 危機意識變得非常之高. 有其他團友還吩咐家人可分身家, 不要爭產哦!

雖然人返來了, 但心還掛住那班災民, 每次看到新聞報告, 個心都很痛... 眼淚都忍不住. 記得晌成都機場見到停機坪停左十數架大型軍機等候運送物資, 及見到很多旅遊巴準備接載民兵去救緩. 見到各有各忙, 而我地一班坐在客機上的香港人呆等了幾小時, 又幫唔到手, 真有點兒.........

在此希望那班遇難者可平安上路, 而那些生存者, 亦希望他們勇敢地面對將來, 好好生存下去.








Patrick 2008-05-16 09:16
傻婆 2008-05-16 08:38
要切切為他們禱告~~
溶冰 2008-05-16 06:56
回來就好.
在那遙遠的地方 2008-05-16 06:15
能夠安全歸家就好!
Chiu 2008-05-16 00:08
is 2008-05-15 23:35
尋覓者 2008-05-15 21:15
嘩,妳哋個團都有好多人喎,
不過,今次的經歷,都是難忘呀......一個超級難忘的旅程呀
cogo 2008-05-15 19:26
相信當時環境真係會令人手足無措, 最最最緊要係你地無事!
你講得好啱, 希望生還者或者國內所有同胞勇敢地面對將來......