學習放手

昨日終於收到契哥電話，他從我最近的網誌看得出我唔開心！老實講自從我知道Michele考入大學後，我嘅心情.............

考入大學當然開心啦，但知道佢將會離開我哋搬到宿舍住，我實在有講唔出嘅唔捨得，Michele從來末試過離開過我哋五日(這五日就是今年考完AL去咗台灣)，曾經為此失眠過，從書架中看到這本書，亦將這心煩意亂嘅心情在禱告中交給上帝，求祂引度。慢慢哋心中開始接受了！

今早我哋一家人，一袋二袋紅白籃齊齊送她到宿舍，估唔到又幾靚喎，Honey襯佢辦理手續時拎部相机週圍影，有位保安姐姐講：「咁早嘅！早晨喎，成家人倍入嚟真係開心呀！」我Honey第一個反應話：「係呀！好似出嫁咁開心」。真係比佢氣死

四個人快手快腳攪清潔及擺放好d用品後，我哋就搭的士去咗中環蘭芳園食餐飽，跟住就返屋企lu。今晚嘅晚餐就係於食品展買嘅泰國蝦及蔬菜粉，當然要加埋Nicole喜歡嘅草菇啦！

食完後Michele就走番宿舍了，離開嗰一刻Honey話：「你多d返嚟呀！」因為明早九點開始一連七日嘅迎新營。

Michele你要知道屋企嘅大門為你隨時打開，縱是功課上遇到壓力與否，開心與不開心也希望你能回家與我哋分享。等妳！