阿童木 + 優閒下午茶

十月二十五日 ( 星期日 )

好耐好耐 , 都無更新過自已既網誌喇 !!!  我唔係棄blog 呀 , 只係因為最近真係好忙好忙 , 無論自已 , 公司, 屋企 都發生咗好多事 ... 加上之前 Y Blog 又好唔隱定 ( 記得之前果篇網誌 ,  足足打咗五次都 post 唔到 , 每次打好又save 唔到 , 真係激鬼死人 !!! )  難得呢個weedend 加埋重陽節 有個小假期 , 一於去輕鬆吓 , 歎吓 ....

同朋友會合之後 , 先四圍行吓( 諗住買吓野 )  ..... 點知 , 唔洗行好耐 , 就已經見到我想買既目標喇 , 但未買呀 ....都想睇多幾間先再決定  ~~~ 

既然未有收穫 , 就去坐吓 , 食吓下午茶先 , 朋友話要去呢間試吓喎 @ Suzuki Cafe

之前 , 食過呢度既晚餐唔錯 , 亦一直想試佢哋既蛋糕 .. 朋友既提議當然贊成喇 ..

不過, 今日既蛋糕款式唔夠吸引 , 所以我哋都選擇咗其他  ....

朋友order 既 ...

照燒雞扒烏冬  加涷榛子咖啡 ..

朋友話個湯底 , 好濃 , 好香麵豉湯味 , 正 .

而我呢 , 就叫咗 ... 吉烈大蝦冷麵 同 ( 熱 ) 棉花朱古力咖啡 ...( 死喇 , 明明話食下午茶 , 點解我哋兩個好似變咗食lunch 一樣 , 叫咁多野食 ~~  )  

先講吓隻天婦羅大蝦先 , 鬆脆好食 , 唔油膩  , 仲唔會食到成舊炸粉  .....

至於杯咖啡呢 ???? 唔知點形容 , 總之好好味喇 ... 如果日日可以飲一杯 , 都唔會厭呀.     

休息一輪後 , 又繼續行街 .....行到荃灣廣場 , 仲見到最近有電影上映既阿童木公仔 , 當然又走去睇吓 , 影吓相喇  .... ( 但地方唔大 ... 一陣就睇晒 ..... )

之後,  ( 因我另有節目 ....) 就走喇 .... 雖然只係行咗一陣 , 食吓野 ....但可以享受咗一個悠悠閒既下晏 , 又唔錯喎 !!!