生日感言

我今天生日，相公原本打算同我出街食晚飯慶祝，奈何咳嗽未好，仍要戒口，最後決定留在家中食，不過，我今日可以休息，免除所有家務，由相公做大廚，煮飯俾我食！還送了一本超大字聖經給我 做生日禮物

記得拍拖時，有一次生日，相公又係諗住放工同我去慶祝，可是臨收工公司有急事，一定要OT，於是連忙打電話向我道歉，我無咩所謂，做野要緊，今日唔慶祝，可以第日，最緊要平日對你好。最後我們在翌日補慶祝生日，都好開心呀！相公送我回家時，在路上遇到一個坐在地上哭的女孩子，我們擔心她做傻事，我們站在遠處留意她，聽到她講電話說：「我今日生日呀！你係我個男朋友，要做野唔陪我，我死左佢好過啦！嗚....」吓？咁都得，我們互望，相比之下，相公覺得我好好，好體諒佢。

其實，生日最緊要係開心，唔慶祝無咩大不了，平日對你好係最緊要，伴侶該互相體諒，大家在一起才會開心的。