北平凡之旅

圖片看過，來個文字紀綠

這一次七年之旅別人一聽到是北京就覺得是個很悶蛋的地方，其實偶有一次看看自己國家的歷史、名勝也不錯，當中有些情節還是會令人想起這次七年之旅

先由通過海關一刻，「羊生」的國語只得八分一桶水，關員看不明「羊生」名字上的一個繁體字，「羊生」又說不出自己的名字，唯有回頭大叫「我叫咩名呀 」我梗係大聲回應

雖然「羊生」語言方面蠢蠢地，有另一地方值得表揚，我帶埋 netbook 上去先發現酒店無提供免費上網，「羊生」就發揮佢嘅專業，拆解 wi fi pw 無難度，先無白拎一場，可惜國內好多網絡都被 block，才感受到香港網絡自由嘅可貴

話說每次搭地鐵都要經過安全檢查，若發現帶有液體上車便要示範喝一口以示安全，咁搭多幾次車支水都飲晒囉

地鐵一般都迫滿人，日日都行得攰到我死咁樣，連搭車的亞毛都看得出來，出盡國內攝文化讓出半個 “c” “food” 位比我坐，我梗係保持儀態無攝個 "c" "food" 埋去跟住佢直情起身讓我坐  實在太感動

我地一得閒就遊去天安門，所以天安門經常都擠滿人，突然聽到身後好近傳來打碎玻璃聲，八卦回頭望原來有個細路無啦啦比人爆樽，只見佢按住個頭，亞媽手指指前方人群，八卦人群不到幾十秒又若無其事繼續影相

由長城滑落嚟都係我從來沒有想過會做嘅事

最地道嘅食品唔係什麼烤鴨而係炸醬麵，隨處可見又平又好味，我食過一間較地道係大柵欄尾好似叫得宜樓，$10 大大碗炸醬麵，$12 一窩粟米羹，$12 四季豆，用料又十足，相比二百蚊隻鴨還要特別、好味

地方之大，第一天我想要來就襯年輕來，年老真係無咁好腳力行；過兩天我想要來就要襯年老坐輪椅才好來，唔駛行到爆腳

懂得由享受出發，無論去那都一樣開心，鍾意自由行因為印象較深刻，可以經歷不同，超期待再次出發

29.9.2009