盤龍峽2天勁熱遊(2)

繼續第二日行程...

*(沿路都係水車...)

*(都有好幾條瀑布...)

*(到了 ! "第一勇士漂流" , 正價每位138人仔, 但導遊話因連門票買飛, 所以會平d 110人仔OK , 好 ~ 大家準備出發 !)

*(衝呀 ! ~ ))) 一開始就衝落去了 ! d 水好凍...)

*(放心, d水滿哂隻艇都唔會沉 ! 好在友人有帶防水袋同防水相機先可以拍到我地咁勇0既一刻唧 ~ hehehe..)

好了 ! 旅程到尾聲了, 好唔好玩 ? 被人問左好多次, 我就覺得唔好玩, 但未去過又點知原來係咁呢 ?

後記: 而"新華" 可謂安排混亂兼且領隊勁差 ! (注意 :女領隊男導遊)

1)  無人call 我地集合時間地點, 出發前一日等到夜晚都無人打來, 唯有我地打去問 ! 第二朝, 我地問領隊, 佢無乜表示, 剩係話 : 係咩 ? 可能電話 no.唔0岩所以聯絡唔到, 咁唔通電話 no.唔0岩就唔駛搵我地 ? 萬一真係漏左我地個 record 點算 ?

2) 成團人共30人, 我地一行6人, 當然有團友係2人, 4人, 5人一組的, 但次次坐木伐或酒店穿梭車都要將我地6人分開, 點解要咁編排 ?

3) 個領隊真係...十足十我屋企樓下個保安員, 剩係識得笑笑口就算, 又唔講野, 佢咩都唔知又亂咁點, 同導遊又溝通唔夠, 兩個人講0既野都唔同, 真係越講越激氣 ! 亂點我地, 導遊第一日話我地玩激流0既, 更衣的衫可以唔駛攞上去, 放車上就可以了, 玩完先落來攞衫更衣....但第二日, 我眼見有d團友攞住一袋袋衫跟住行, 導遊又行左去, 咁我地問領隊乜唔係d衫放車度, 玩完先落來攞衫換咩 ? 但佢好肯定話 : 係呀0係上面玩完更埋衣先落來, 上面停唔到車 ! (我碓實問左佢幾次, 佢都係咁話)

咁我地唯有急急忙忙攞衫啦, 一袋二袋咁.., 因為我地係要跟大隊由峽上行落來, 中途玩激流落來的, 所以都要行成個鐘架, 當我地見到導遊, 導遊竟然問我地做乜攞住d衫 ? 我地咪即刻火起囉 ~ 即刻話佢你同個領隊溝通下啦, 如果唔係, 我地都唔駛一袋二袋啦 ~

到玩完激流了, 其實正常個領隊或導遊應該在終點等我地, 但竟然唔見人影, 搞到我地都唔知去邊度換衫好 ! 眼見有個簡陋0既更衣室, 咁就更係入去沖身換衫啦, 點知沖沖下身, 有團友入來通知話導遊會帶我地落返去先換衫...( 吓 ? 唔係ah~ ?) 搞錯呀 ! 好啦~ 咁以為佢會帶我地去泳池或酒店換啦, 點知同之前個更衣室無分別......激死...

4) 最後走了, 個領隊又將船的座位編到亂哂 ! (死唔死~)

*我以前都跟過"新華"去澳洲, 真係唔錯架 ! 但今次真係....勁差 !

*奉勸各位, 如果中國短線就唔好跟佢了 !