骨科病房

今日係9月1號'''
係學生哥放完暑假返學既日子
不過唔關我事lu
好想返返去中學既時候
每日傻下傻下,,hehehaha就過一日


黎左呢個骨科病房2個幾星期喇~
每日都係做果d野啦
拆釘拆線洗傷口等等...
其餘大部份時間都係睇牌板''
我好鐘意睇牌板!!!
每個病人既牌板就好似一個故仔咁
睇下佢有咩病,有咩生活習慣,做過咩手術
仲有好多好多其他background等等
真係可以睇足成日呀
我仲學左好多英文terms添呀~

骨科d病人真係醒目仔好多
起碼唔會好似之前內科咁
問呀婆野,,係我自己自問自答 =___='''
係呢度,,佢地日日都問同一個問題.................
"姑娘仔~ 今日返早/晏呀?今晚係咪留係度陪我地呀?"
"姑娘仔~食左飯未呀?"
已經答到唔想再答呀,,哈哈 


有一個伯伯
好乖好聽話架,,坐定定成日唔郁既
佢每次洗完頭都會係咁fing個頭
好似成龍個洗頭水廣告咁 "動L"
所以佢叫成龍伯伯
好鬼過癮架佢 ^^

有一個呀叔
每次都拎一大袋野去toilet成粒鐘
隔離床話佢睇咸書喎
又整到d 尿壺有白色液體 (!!!!!!!)
又係toilet剪毛,,搞到成地都係
變態的!! 

有一個呀叔
成日教我講日文
因為佢以前係教日文的
佢因為隻腳有事做左截肢手術
佢話: 幾個星期前仲諗住去台灣,點知而家隻腳搞成咁...
聽到都心酸, 不過佢都幾樂觀既~

有一個呀婆
好多野講
每次行去佢身邊,就狂摸我個頭,,面,,手,,patpat
得閒又打你兩下咁.就話: "呀婆鍚你先打你咋!" (咩理論呀!???)
有時佢會唔知咩事,精神分裂
係咁講粗口鬧周圍d姑娘 "死8婆,死臭X...(下刪一千字)" 其餘果D更加粗俗.
但你一行去佢身邊,,又狂摸你.."呀妹,,呀婆好鍚你架!!!!''
夜晚最鐘意除衫除褲~佢話任睇唔嬲,,,開放到呀!

呢幾日黎左一個美國男人,
好少外國人黎呢度架~
不過佢都幾麻煩 
又高又大隻,,隻床都唔夠佢訓, 個commode又唔夠佢坐
成日除衫除褲,,問佢想點..佢話:" I want to shit!"  
一到夜晚又成日講粗口..xyz#%^*!@#  幾十句唔同既英文粗口出晒黎

呢個病房真係好熱鬧
而家病房又爆發緊中美粗口大戰
煩到爆!!!!!!!
真係想唔識講都幾難!!!


打住咁多先~
下次打日記應該會係第一晚返夜呀~~