十月真係一個好不幸既月份,其實係九月三十日我肥B不幸死左,點解會無啦啦死架呢,事發就係果日晚上,我比左舊牛皮骨佢食,本身3個衰仔都好串既,唔係咩零食都食既,咁十月二日要同佢地搞生日會,我就行去個租客果邊同佢講聲啦,費事一大班人來左佢發神經嚇親我D朋友,出去時都好地地,點知一返入屋我出左去2分鐘時間都冇,肥B就唔知整咩抽左根咁,我就推佢個肚啦,又挖佢個口,點知都冇野,佢已經開始抽根啦,一下就咬埋來,我唔理啦搵野包手再挖啦,點知肥B就已經唔得啦,冇氣啦眼都突埋出來,我唔死心再同佢做CPR唔係好知狗點做,人我識既照做,佢鮪左兩下就冇再鮪啦,咁就去左,我果晚叫左個租客係花園挖個洞埋左佢,第二日冇返工搵人返來係上面倒英泥,再去左買衣紙,買衣紙時見到我一個中學同學,成十年冇見,佢個貓女腎有事,去左睇VET,咁交換左電話就分開左啦,十月二日同另外2個仔做生日,月中個同學打來話佢呀爸中左風,問我可唔可以照顧佢個金毛女,叫心心,我話咁好啦,心女佢好乖好聽話,又識嗲人,仲好溫柔,第二日我同佢地3個同埋我表妹一齊去左玩,點知第三日一早我同學打比我,佢話佢男朋友9捨得心女要拿返,唉好慘呀.....咁都未算,過左兩日我出去買野食,唔想同SNOOPY去啦,剩係同左呆仔去,點知一返來SNOOPY就唔見左,佢開左浴室門偷走左出去,我搵左佢成晚,4點幾先訓,好彩原來佢走左出馬路,有一個好心既小姐見佢係馬路走來走去,怕佢比車車到,就執左佢返屋企,一早就同佢搵我啦,佢去左鹿茵樹問,個死仔SNOOPY平日就已經衰到出哂名,人地一眼就知係佢,打比我叫我接返佢,接左佢我就知唔得啦,個死仔咁樣唔係法子,一定要搵方法唔比佢再係咁,太危險啦,家下同佢死過當中,慢慢睇下點搞佢
