呢個話題真係冇咩好講架啦,唔係叫大家捐,係我跟本唔知原來有好多人係唔捐,我覺得好多人都唔介意捐,只係唔知點捐,或者係家人唔知佢想捐,我今日去捐血時想問姑娘拿張器官捐贈卡,因為舊時果張唔知整左去邊,我估有好多人都好似我咁架啦,我係一個大頭蝦,成日唔見銀包,好多時張卡就唔見左架啦,姑娘同我講家下原來可以網上登記,真係一個好消息,咁登記左以後我有卡冇卡都好,有咩衫長褲短都唔怕浪費左我D唔知有冇用既器官啦,我由成年之後就有打算死左要捐哂D器官出來既打算,講真死左又拿唔走既,反正真係一D冇用既野,比左人對自己真係一D影響都冇,有D人話會整到條屍唔靚,多鬼餘啦,除左捕皮膚同骨之外,器官冇左鬼知咩,就算真係唔靚又點?死左啦靚來做咩?幫到人先係最重要,好多時係家人唔明白多過本人唔明白,係時候上網登記啦,同埋同家人講一聲記住用輕描淡寫既語氣,係咁易講我上網登記左器官捐贈
器官捐贈登記
