2009-2-17 星期二 [陰] 反斗城開倉

反斗城今日開始開倉，因為前年去過一次，係勁多人，入場都要排長龍，入到去又亂到七彩，玩具又唔靚，排隊比錢仲排左一個半鐘，但仲要係 d 人排亂左攪到鬧曬交，人人講曬粗口，印象唔太好，所以如果今次要去，佢 11am 開門，我諗住請假 9am 去排隊，不過因為尋日放了 sl，今天唔方便再放 vl，就決定今日唔去

其實我主要係想買和光堂大仔奶粉，比我去工廠拎每罐平 $9，但最衰反斗城開倉係每人限買四罐，每日限售 200 罐，咁 lunch 去一定賣曬，所以一定要每日一早去，原本都諗住一係聽朝一早去啦，不過同事 jj 話佢今日 lunch 想去睇下先喎，就一齊去

去到見到無人排隊入場呀，入到去又無乜人行，收銀機都係得幾個人排隊，唔通真係海嘯攪成咁，我地時間無多，快 d 各自睇野，奶粉一早賣曬，d 玩具款式又唔岩小米，大部份都係 6 month 至一歲的玩具，小日又大把玩具唔想買咁多，原本黎係有目標想買 lego 比小米的，但又無喎

最後買了一張大新幹線地墊，第時比小日爬牛牛用，一張 alex playmat，用黎去草地玩時用，佢又可以摺成一個玩具箱，一 set alex 沖涼 a-z 玩具，都係留番比小日第時玩，一 set alex a-z 觸覺 card，小米應該識曬，所以又係留番比小日，一個 playskool 的疊圈圈玩具，又係留比小日，其實呢類玩具屋企都有，但見佢大大副都係 $80 就好想買，oh，原來大部份都係買比小日的

total 買左四百幾蚊，佢話可以用星咭 d coupon ( 每 $100 減 $10 )，我有三張就用曬佢，點知佢話生日 coupon 又可以同時用喎 ( 滿 $300 減 $50 )，咁著數，total 減左 $80，只係三百幾蚊買左咁多野，真係好開心，不過如果買到奶粉就更加好 law。