2009-1-22 星期四 [晴] xx 歲生日

呵呵，又老一年又生日了，好似出黎做野到宜家，年年生日都要放假去玩下先開心的，只係生小米果年無放，加埋近年公司如果生日唔放假，老細會攪下野，可能買蛋糕可能請 tea or lunch，有同事收過花添，為免 boss 傷腦筋，所以我地呢 d 咁鬼多假期的員工，好應該自動放假，唔使 boss 花錢嘛。

青瓜俠話請假陪我，問我想去邊，香港都無咩地方好去，想返大陸但就黎新年好危險 bor ( 記得幾年前新年返大陸被人偷野 )，去 disney or ocean park 又怕近新年好多大陸人，我話不如去南丫島行山，帶埋小米，因為小米未去過南丫島，後來諗諗下，我都怕自己行唔到山，不如去睇下個風車算了，都想睇好多年 lu。

行去睇風車行到好鬼倦，今日又熱，不過都好好玩，原本想食海鮮的，但又唔太肚餓就是旦搵 d 野食，跟住就搭船走了，返屋企都要一個半鐘，有 d 唔放心小日嘛，返到去同兩個 b 沖曬涼後，就一齊去又一城出發，食 birthday dinner，本來 plan 左去食 little italy，因為想食佢個勁大 tiramisu，但又係因為太飽，所以改了行程去食 exp，但都係叫得太多野，飽死啦，哈哈。

青瓜俠無送生日禮物比我呀，佢問我要咩，我話要架車，佢話我玩野，我話唔理咁多，總之佢就係差我一架車的生日禮物啦，哈哈。