2009-2-21 星期六 [晴] 揍兩個 b

今日真係好大挑戰，因為青瓜俠要全日返工，仲要係由 7:30am 返到 6:30pm，得番我一個人揍仔，之前都有 d 驚，青瓜俠叫我帶曬兩個仔去佢 office 喎，諗諗下覺得咁仲煩，要我帶兩個出去已經有難度，仲要在 office 攪，又餵奶又要抱小日訓，不如留在屋企好過

朝早要自己帶小米返 playgroup，原本都唔係難事，要還兩份大玩具我拎唔到，就推埋 bb 車去，都好，費時一陣小米放學倦要我抱，又怕如果落雨抱住佢我點拎遮，不過最幣係呢個 playgroup 無得比我陪佢上堂，佢一定會喊到死，情緒好大波動，加埋 daddy 唔0係度可能會仲衰，攪到我有 d 擔心添，不過今日因為小米實在喊得太勁，老師都比我一直陪住小米上堂，都好 d

返到屋企，襯工人仲0係度，即叫佢倒水等我同小日沖個涼先，跟住佢就放下晝 lu，我要自己睇住兩個，如果兩個都心情好，一齊玩時都 ok 的，每次小日要餵奶時，為免小米周圍走我又唔可以跟去睇住佢，唔知佢攪 d 咩，我就播碟比佢睇，所以佢今日都睇左好多碟，到左下午兩個 b 一齊扭眼訓時就煩 lu，兩個一齊大喊，小米喊又攪到小日訓唔到，好在小米都乖，自己執好床靜靜的訓好等我，咁我抱到小日訓著放低，就去陪小米訓，好野，兩個一齊訓曬終於自由了

夜晚 dinner 當然無著落啦，order 了 pizza 等青瓜俠返黎有得食，今日任務完成，都算係 ok