2009-4-11 星期六 [晴] 買梳化

屋企張梳化已經爛到頂唔順了，三年都唔夠就爛成咁，主要係因為我地對佢唔好，後果問人先知原來皮梳化係唔可以用水抹的，我估工人唔識，用左濕布去抹，我又唔知無話佢，加埋個窗向東，朝朝勁曬住張梳化，抹完濕左又曬，想唔爛都唔得，原本都唔係好嚴重，只係有 d 皮裂開少少，但有小米在屋企，少少都會被佢越 meet 越大，佢仲要用筆去插佢，加埋成日用原子筆去畫佢，白色 ga 嘛，真係恐怖

一路都想買，但又諗住可能會搬屋，捱住先，因為唔知新屋要幾大張，但攪攪下都未搬得，又捱唔到，就決定買，咁岩見有特價，呢 d 野都係買平 d 好，我估新梳化都係用兩年又要換，因為有小米小日一齊夾攻，好快又爛曬 lu