網誌分類：未分類 |
聽日又要同小日去補影 studio，我都無乜太大期望了，都估佢一定會大喊，影唔影到都算了，只想快 d 完成呢件事，因為錢又比左，咁我都想快 d 睇番上次 d 相，至少都想睇下小米影得好果 d 嘛，所以呢，無期望之下就乜都唔理，唔再諗下幫小日著 d 咩衫 or 帶 d 咩去逗佢笑，不過其實我一直諗緊買一個玩具去 逗佢，如果要買就要今日 lunch 去太源街買
不過都係懶惰無去到，lunch 食完飯就照舊行去睇下果間夜冷鋪，呢排新發現的，佢有好多出口玩具，每款只得一盒，但多數都係超大型，見成座超市收銀機都係 $180，成 set 打掃工具 ( 吸塵機，地拖，熨斗 .... 真係入電會 work ) 都只係 $220，成 set 洋娃娃用的 bb 車 or 搖搖椅都有，有 d 四輪單車只係 $160，都好抵，但太大件，屋企無位放，就算有，我買左點抬返去呢
連續三日都有黎睇，但都揀唔到野買，點知今日比我搵到件好野，就係我一直想買黎逗小日果件玩具，exactly 係我想要果樣，又會咁岩 ge，太好了，成為 $30
