2009-1-1 星期四 [晴] 外國讀書

今日約了一班易發 b 去迪欣湖，好想帶小米去，但帶埋小日又太遠了，工人今日又話約左朋友一定要放假，原本都諗住唔去算 lu，唔想又放低小日比媽咪，因為想比佢抖下去下街，但咁岩又改左今晚返媽咪度食飯喎，咁佢應該無街去，一定會留在屋企煲湯，所以都係決定交低小日比佢睇一陣 lu。

去到迪欣湖，大草地，由得 d 小朋友周圍走，daddy 就負責追住佢影相，我地 d 媽媽們就坐在草地傾計，咁岩 irene 係做海外升學的，就順便問下佢 detail，原來去英國讀書好貴的，佢話如果搵間好的學校，就算扣埋我公司的準貼，剩係學費都要 14000 蚊一個月，另加住宿膳食，要平都得，有 d 只要 10000 萬一個月全包，但就真係會差 d，d 學生會打架的。

聽完之後都覺得無乜可能送小米過去，只有小米一個就話死慳死抵供佢去，但如果兩個一齊去就負擔唔到，無理由哥哥去細佬唔去 ga，咁希望佢地讀書好 d，在香港都升到好學校，就乜都唔使擔心 lu。