冬天來了怎知道?

想不到星期一的 Uniqlo仍然人山人海，你我她一起買到不亦樂乎，彷彿過年過節般熱鬧。眾街坊的投入氣氛，令人自自然然由旁觀者變成參與者；而我則搖身一變成為家庭買手，想到細佬瑟縮在家的搞笑樣子，便禁不住做了大豪客。無他，因為實在好平，尤其那些標價才百多塊錢的大衣，幾暖，無需再浪費時間去思索啦。

左看看右看看之際，身旁有位女士向她的男伴問：「呢件好唔好睇呀？」 我忍不住偷偷瞄一眼那款式，差點想拾搭訕回應她，而該名男子竟然不假思索地hea答道：「車，你都係喺屋企著之嘛, 邊個睇你呀？」嘩，真夠膽色!  但亦有點天真有點傻，竟然夠膽死同你女人咁講...... 所以該女士當堂變了面色, 繼而黑面訓話。

於是乎，冬天來了。

為了防禦該道寒流，我當然第一時間撇s~  但其實我真的好想好想向她講句：正呀，呢種睡衣又暖又舒服又可機洗，價錢咁抵買一套對自己好些少都唔算太過啦...... 我實在想俾comment佢，不過，算數啦。

如果我係男人，我會 "協助" 女人快快趣趣作出果斷的決定，要知道女人好多時買嘢唔係單單 "買" vs "唔買" 的問題，係有好多好多不同的出發點；而，男人陪女人買嘢, 都請打醒十二分精神, 千萬別以為你女人存心(全心)shopping便可hea答, 因為分分鐘出街變成出題, 不知不覺間你己經完成了她預設的心理測驗。