片地黃金煎薄撐 (金菇南瓜)

  每次上酒樓 Yuki 必食 " 煎薄撐 "  佢話 : 唔食唔似來過酒樓飲茶一樣 ,

一條金黃邊包裹又脆又薄 '薄撐 '

但總覺得... 好油膩 ...又無內涵 , 就好似食煎粉團一樣 , 於是經我改良之後 ...

食得要有內涵之如 , 又要唔油膩,加入大量蔬菜 ~ 健康又好味 . 

   今次我選用大量黃澄澄 "南瓜" 鍾意佢甜絲絲感覺  (好像女兒的笑容) ,

脆口生菜的清甜,  我系無加吉士粉及雞蛋 , 天然的金黃色熱騰騰的  '薄撐'

細嘗母女情 . 

                                     小朋友必食 ~   "金菇南瓜煎薄撐"

                                   大人必食 之選 ~　" 珍珠蠔煎薄撐 "

金菇南瓜煎薄撐材料 :

生菜1個      南瓜半個(隨意)     麵粉  2杯  生粉1杯   油1湯匙　　　 
冰水2杯    鹽2湯匙   金菇一包   黃糖1茶匙

做法:

1.麵粉 ' 栗粉及冰水混合 , 做成粉漿加一湯匙油 , 放置20分鐘備用 

2.生菜(切絲)及金菇(切斷)加入粉漿中拌勻 , 再加鹽調味 . 

3.平底鑊加少許油 , 將粉漿倒入鑊中 , 薄薄一層 , 用慢火煎至兩面金黃色 ~食得

珍珠蠔南瓜煎薄撐材料:

珍珠蠔 (隨意)    薑絲少許   生菜1個    南瓜半個(隨意)   黃糖一茶匙

麵粉  2杯  生粉1杯   油1湯匙　冰水2杯    鹽2湯匙   金菇一包

做法:

1.麵粉 ' 栗粉及冰水混合 , 做成粉漿加一湯匙油 , 放置20分鐘備用 

2.生菜(切絲) ' 金菇(切斷) 和珍珠蠔(加薑絲)加入粉漿中拌勻 , 再加鹽調味 . 

3.平底鑊加少許油 , 將粉漿倒入鑊中 , 薄薄一層 , 用慢火煎至兩面金黃色 ~食得

洗蠔方法:
1.蠔用鹽及栗粉攪拌抓洗 , 邊洗邊揀走蠔殼 , 再用瀝乾備用.

　　　　　　　            茜姐推介 ~ 健康新食法

    將薄撐卷成元桶型 , 切開一少件 , 取一大片西生菜 , 包裹薄撐送進口 ,

外爽內暖包保有讚無彈 . 

茜姐提示:

用平底鑊煎可以用少d油 , 全程用慢火煎至脆 , 千萬別燒紅鑊才倒粉漿 ,

用慢火令蠔煎至熟透 , 鑊太熱粉漿就很快凝固 , 會做得不夠簿  ~怎能脆口呢 !