買保險之上篇

保險都係買個保障，以防不時之需，我買既都係基本野，人壽，意外，住院，女性保障，危疾，大致上都應該夠......

份保險由2004年開始買，當然返工兩年，覺得係時候，咪跟左個同事個經紀買。諗住保誠都應該唔錯，穩穩陣陣，見個經紀都幾好，唔claim 都唔出問題，唉!

第一次claim 就係急症，醫生話要留院，當時都即刻打算轉私家，買左保險無理由唔轉，但醫生話一日應該可以出院，咁咪諗住算喇，唔好麻煩，打比agent 話佢知，佢就話自己唔得閒，claim form 都無攞比我，最後出左院先補返填咋，好彩都claim 到。

第二次，買旅遊保險，真係出左事，件行理去到溫哥華轉機就已經出事爆左，咁個邊機場又唔肯寫report , 去到多倫多，見到件行理咁，就比左張slip 我，都claim 到。

第三次，再入院，呢個三日兩夜trip，去仁安醫院，貴貴貴到死。一早知入院，打左比 agent ，佢叫我自己 print 張 claim form，自己比醫生填，兩次都無探過我，仲話自己唔係香港，咁算喇，我以為個個 agent 都係咁。

出左院，比 form 佢，佢同我講，check 過份保單，100% claim到全數。

跟住幾日後打比我要補資料，搵私家醫生補返填，因為係家庭醫生，咁就講開，醫生問我，點解唔入院前比佢填，我咪話 agent 無比我， 醫生話個agent 一早知你入院，應該一早比定你，而且會跟足d，公司自己搵個醫生補，唔會要個客走嚟走去。

當然醫生都有講過其他野，就係因為醫生都咁講，我懷疑會唔會係我個agent 先係咁，咪周圍問下其他人囉，連大包都覺得個agent 唔對路，次次都有藉口。

最後又claim唔足，仲要自己比三份一錢，萬幾蚊呀。

個個agent 都會搵個客每年 review 下張單，我買左咁耐，年年比錢，我自己call 佢之外，佢都無咩搵過我......

今年就更離譜，我想加單，我諗每個 agent 都好樂意客人自動加野， 而我個agent 唔知係因為我份單少野，唔係十萬八萬，定係佢唔想做我生意，我問完佢，佢竟然send 左個mail reply 我，只係有供幾多錢既數字，無保障內容，咩都無，而佢就話，每年供呢個錢就得，無打算約我傾下張單，連電話都無打比我。

既然係咁，我都懷疑自己呢個客供得太少，佢唔想理，咁我咪搵大包個agent，轉去Mass mutual，雖然係好多人眼中，供一萬左右唔係好多，不過，我又唔係搵得多，一年比成萬都好多架喇 ~ 終於轉左，安樂晒