my wedding gown

在之前的黃金週假期, 見有幾天假, 係時候要出去睇下衫啦!!
先上網做下research, 抄底想去的公司, 先去尖沙咀, 其實想去Lachichi & Connie 去的White.........不過都係無去到......因為去左肯定忍唔到手

Berfa Wedding(試的原因: 價錢ok, 租一件$1999)

先去海防道的Berfa, 呢間係上樓鋪, 好彩佢地無客, 因為我無預約, 第一次試衫可以試3件, 先看album, 後再睇真身, 揀左兩件拖尾, 一件eg(紫色的), 三件都係修身款, 唔要著鋼紗...hehe, 件紫色eg好靚, 兩邊腰間串左珠仔, 露左少少肉, 有少少性感, 另外兩件wg都好靚, 不過已經唔係好記得個款...哈!!!! 試完就走左啦!! 因為只係睇o岩一件, sales都好好人, 無話係咁sale你。不過就留低左個名同電話, 俾左個package價我。

之後就行返去Kimberlay Road啦!!

Anovia (試的原因: wg o岩心水)

呢間都係上樓鋪, 上到去剛剛有人走, 以為又咁好彩, 無預約都有得試, 點知....
sales出黎話今日full左, 如果試衫要$500一件, 唔試我地都要安排位置你睇衫, 所以一定要預約, 唔緊要啦, 係自己懶。不過係門口已經見到d wg好靚!!!

新婚情報Noel Chu (試的原因: 誤打誤撞...haha)

一直都無諗過會去睇Noel Chu的衫, 行到落街, 全街都係婚紗店都唔知入邊間好?????
亞基就同我講上次做兄弟幫個朋友還衫就係呢間, 好啦!! 咁就入去睇下啦!! 未入去已經係門口"目及"到件紫色eg...keke, 入到去就問下有無d咩package, 睇完價錢都可以接受的, 跟住就睇相,

sales: "相簿係 red label, package價錢再加錢。"

wu: "哦!! 咁有無唔使加架!"

sales: "有, 我拎俾你睇!"

wu: "試衫使唔使錢呀?"

sales: "$500可以試5件。"

wu睇完d 相心諗都睇唔到d wg red label有咩分別......

個sales不停話我醒, 因為我係咁問佢問題...hahahaa

我之後再問佢,

wu: "咁試呢幾件個package點計呀?"

wu: "expo會唔會平o的呀?

wu: "咁我租埋褂又點計呀?

        包唔包頭飾同首飾呀?  

        男禮又幾計呀?

       男禮包唔包腰封, 背心呀?"

哈! 超多問題!!! hehehee

sales就俾左1件要加, 同1件唔使加的wg, 試左係門口睇中的紫色eg, 兩件紅色eg, 3 件eg都係red label。最後uncle(Noel Chu's Daddy - the BIG BOSS) 仲拎多件紅色eg, sales又拎多件wg我試, 不過都唔係我心水。

最後confirm1件wg, 兩件red label eg, 1件8囍褂, 1套男禮...hehe!! 我係咪太快呢!!!
不過掛住試, 唔記得影相蝕哂...hehe

咁又搞掂一樣啦!!! 

雖然又係之後先上esd wedding forum睇過, 先發覺服務有問題, 其實我都已經好醒咁叫佢寫地包d咩, upgrade價錢係幾多, 因為我無俾red label價, 只係俾左基本package價, hehe.., 係唔記得見佢寫埋件wg的no., 唉!

不過我都訓練到好豁達, 要有事都無計, 錢都俾左, 不過好彩我唔知有blue label, 哈哈哈!!如果唔係肯定over budget...hehe

Sales叫我5月再去睇新衫, 但係forum d人話3月就有新衫返, 所以我會3月就去! 哈!