西歐之旅 ~ 荷,比,法

啱啱去完歐洲回來,有咩好玩唔駛我講啦.我主要係想講一啲值得一提同埋比較少人提及既特色,

1. 自由荷蘭

第一站,首先去荷蘭既阿姆斯特丹(Amsterdam),的而且確係一個好特別城市!!

因為我相信無乜邊個國家自由程度可以跟荷蘭媲美, 有幾自由? 係荷蘭,食大麻係唔單止合法,,仲抵死到週街都有得賣到,"段"gram"段"gram咁買俾你, 唔駛呢埋索K仔. 唔可以唔提既就係紅燈區,啲妓女會穿著三點色,企係玻璃門後便任你睇.不過記住其實唔可以影相,後果自負,依張都係好冒險影返呢.

返到酒店房仲有驚起,酒店既電視係有四仔台二十四小時播放. 最神奇係, 無論坐火車彧者飛機到荷蘭,你都唔會見到有海關櫃台,任何人都可以自由出入境外境內. 係味好自由.

2. 怏遊比利時

至於比利時既布魯塞爾(brussels)其實不大,除非打算去其他地方,若打算到此一遊,半日時間已經好夠.

.要留意係比利時買記念品都唔平架,不過買T-shirt就比荷蘭同法國平.

3. 巴黎嘩嘩

踏出法國巴黎火車站(Gare du nord)既第一步,至少會"嘩"兩聲. 第一吓 "嘩",啲建築物好靚呀!第二吓 ,向下望條街個地下,"嘩",好"嗱渣"呀!

好多人去法國旅行,都只會講法國有幾靚,有幾浪漫.雖然如此,但法國好多建築都殘破不勘,街上衛生情況同大陸相比有過之而無不及.啲煙斗,香口膠,屎屎,尿尿無處不在, 而且法國同大陸人都好相似習慣,就係鍾意放飛劍. 所以係欣賞風景時,都要好小心睇住仲獎.．順便提及,法國地鐡站都好唔乾淨吓,傳出陣陣尿味,

點解?唔駛問啦吓麻,最好有口罩帶定個好啲.

4. 注意地方:

經濟火車

由坐法國去比利時或者荷蘭,平過荷蘭坐去法國好多,所以想經濟啲,可以選擇法國為第一站.坐IC (Intercity) Train 到比利時及荷蘭.其實唔係好需要係香港買定車票,因為火車班次好密,唔駛擔心買唔到車票.當然,又唔好咁"蚊"上車時先買,早一兩日買定穩陣啲.

免費水源

歐洲啲水真係好昂貴,得荷蘭買水係最平啲,有一個叫spa牌子1 liter大概稱1.05euro(hk$12.6左右) 其他都要1.5 euro以上 (hk$18)得350ml. 不過係法國,有達必到地方,就係"老佛爺",有幾部蒸餾水機.可以暢飲一番.

十一時份

六月份去歐洲最特別係日超長,夜短.其實係好事.因為成十一點個天先完全黑.無形中多左好多時間.不過要睇夜景鐡塔同紅燈區,就要捱吓夜啦

火地資訊

法國metro分開唔同既zone, 其實買zone 1 同zone 2 已經去到所有主要景點,除非要玩另類. 買一張全日通售價5.6euro左右.但一定要講明依個價錢全日通.如果只係跟票務員講one-day pass. 一定俾最貴成16蚊euro個幾俾你. 最緊要提既係,出閘係唔駛入飛,所以你夠勇就........

係火車站(Gare du nord) 買飛到機場站,發覺原來唔駛經閘口入閘,到機場終點站時,好多人無買飛就咁過度閘. 因為兩個閘口完全無"旺管,如果你又夠勇就..........