2009年10月29日の文章 (木)

由於今日冇咩好講嘅關係...我講番26號發生嘅事啦...

26號同馬斯丹上校、琳、+Wah、小倫出沙田。原本我哋好地地11:30約出嚟，但係喺出嚟之前嗰1-2個鐘，個艾爾同我msn，跟住佢話:「想見我就11:00車站等!」 由於我想見佢戴眼鏡個衰樣，我就答應咗佢...之後通知埋其他人...

11:00，我到咗。跟住冇耐，馬斯丹上校、+Wah、小倫都到咗，但係艾爾就未到!跟住打畀佢啦，佢話喺學校門口，叫我哋去搵佢喎...我火都嚟，無奈之下，同馬斯丹上校、+Wah、小倫去佢學校門口。但係過馬路嗰陣已經見到個衰仔，嚟遠睇，佢真係好似冇高過...

佢身邊有佢啲中學朋友啦，我哋個個喺度估邊個係佢女友...(估唔到佢都有囉...) 我好嬲係佢話馬斯丹上校!話佢戴帽係咪生Cancer!戴帽就係生Cancer架喇?!艾爾你都好無知唧!佢話晒都係我哋嘅馬斯丹上校，點可以咁話佢架!

我哋去搭車，+Wah問佢搭嗰架車我哋搭唔搭(好似有咁問啦)，我梗係搭啦!驚佢呀!我哋坐上層，艾爾班人都係，我哋不時都聽到佢哋講野啲聲...

到咗沙田，我打畀阿琳，琳話佢未出門...咁我哋就去M記食野啦...去到M記，又見到艾爾班人...我同馬斯丹上校飲野就算...

我哋跟住去火車站接阿琳，佢都係冇變，依然係咁白雪雪~我哋又去M記啦。

我哋跟住去影貼紙相啦...同+Wah、小倫講咗好耐，結果+Wah好偉大咁擺低廿蚊...最開心係佢哋畀錢又唔影!我同馬斯丹上校、琳影啦...

三人合照~

我x馬斯丹上校~

馬斯丹上校x琳

跟住，又周圍玩啦...我發現我電話校震機都係唔震嘅!有好幾個miss call，原來+Wah打過嚟，我打番畀佢啦。佢話唔係佢打，係艾爾打，佢重話佢行緊路番屋企...我知實係小倫諗架啦!行路番屋企!

我哋又去大會堂個洗手間自拍。

(我同上校嘅「情侶戒指」)

跟住我哋要番屋企，好唔捨得呀~