富有的戇狗十二月報告

案件本身好複習...首先了解故事前因...

本身因為地勢環境...所以自己地方經常搞聚會...久而久之..對燈呢樣野有特殊偏好。

好似以下呢戔海浪燈，於上年購入資料如下

Tomy出品
ヒーリングシアターUMINE(ウミネ)
販売価格：8,400円（税込）
セール価格：7,560円（税込）
http://www.takaratomy.co.jp/products/umine/

不家都見到價錢係要五舊零六舊
都要幾舊水...細細舊..不過開P效果OK...幾有氣氛..
看看以下於我家中上一個聚會的相片...雖然巳經用左disco ball既燈光效果...見到海浪燈巳變了我電視上的擺設.沒有再玩了。

玩完海浪燈....固之然想玩另一個層次.跟住睇中以下既星空燈，資料如下

家庭用星空投影機「ホームスター(HOMESTAR)」 スターシルバー
価格： ￥ 20,790
中古商品を見る： ￥ 14,000より

看～！二手價錢都要成千銀。好貴。

咁又去番有一日。去買禮物精品時比我見到呢個產品。星空燈。在信和頂層最入中間位置的精品店中給我看見此物。

見到咁靚既效果相。價錢又同我心目中既爭好遠。絕對比較下唔算貴。所以就有衝動買了。可惜...買了之後發覺到...此盒；不只是燈。而且是一盒模型。戔燈係要自己砌的。

當然我砌既時候都係呢張說明書。但係成張都係簡體字而唔係日文。其實乜字都無乜所謂。因為我見到個盒係印住"大人の科学" vol.9....就係呢個數字出事了...

一見到呢個數字我當然會去諗: "有vol.9；咁1-8係咩泥既呢?"咁我就開始去尋找了....最終發現..原來呢戔燈係一本定期刊物既"贈品"係隨書附送果隻...出左好多期；每期勻有不同科學既贈品。

原來只係有生意頭腦既祖國將佢複制推出。其實我對國產野又無乜特別反感。不過恕我得罪Ｄ講句。我係覺得祖國既出品係唔會有咁好既心機去畫一本組合圖既書。如果真係有都會價值不菲。呢Ｄ產品說明書只會日本仔至咁有心機會走去做。

而呢本書既資料如下：
Ａ4変型判／104ページ／2005年9月26日発売
●価格：2,200円（税込）
●ふろく：ピンホール式プラネタリウム

●購入方法：

全国書店

睇吓？連本書都係舊零水。我在信和買幾錢呀？$290用先前戔星空燈去比較固之然係平好多...但係原來故事未完..

知道係國產，心想此燈必然價錢必定會比這本書的一半為小。這是邏輯性的價值思考。應該唔會錯。

結果找到這戔燈的價錢大多也只是百零蚊。好正常價。即係比人賺左百幾... ...

再上大陸的淘寶網找到...原來買十戔以上不用五十元一戔....其實呢D問題日日都會出現...只不過是批發與零售的關係吧...不過呢戔野咁樣比人賺左二百幾...都唔知講係自己戇鳩定點...我剩係知我D朋友笑到標眼水...我亦樂意公開呢鑊....敗家仔亂駛錢實錄。

其實呢戔燈唔係咁光。影相既效果係比正常光幾倍，總之記住不能用來照明。只係一戔小小燈泡仔一個（燈泡大小好像一毫子咁大）。千祈唔好比相片誤導。如果你擺在電視頂。就算熄哂燈都好暗。得小小好微弱既燈光。

PS:呢戔燈我砌左個幾兩粒鐘，砌最耐係用雙面膠紙黐果個立體六角體出來。（買呢戔燈係唔包兩粒2A電，因為戔燈要用兩粒2A電）

戇鳩報導完畢