豪鬼宵夜...鮮味回歸..

今次既豪華聚會...全憑小弟同樂仔在facebook既對話"好食XX咁多倍而起"飯局係諗住一大班去食一餐豐富既日本剌身讌。小弟一早巳經做哂野。預先預留左一整條"大池魚"...各類活蠔及多款平時少食的剌身....準備今晚既剌身宵夜..

今日既宵夜局有我，正，樂，Vi妹，小雲仔，林博士~Dr.Lam
我地一齊去揀活蠔囉~睇吓今晚有乜新鮮好食先咋~

大池魚未劏做剌身前的模樣~盛惠$800一條兩食...真係好大!!大到六個人食佢都食唔曬 (唔係分量問題,而係佢大肥美鳥) .... 滿足度 206.35%

各式活蠔~

活蠔~未開殼仍活生生的蠔...畫面下面中間最上方的 日本熊本蠔...蠔味屬初級...初食活蠔既不錯選擇.比較易入口..入左半打

Tasmanian....蠔味屬中級...略帶海水咸味...$128/6隻...抵 食...當晚入左半打
Blue point亦都係初級入門吃活蠔的不錯選擇...我第一次吃活蠔也是吃bluepoint ,可以不落任何調味料...齋啪滋味無窮...不過當晚無叫

White Pearl亦都係當晚無叫..對上一次才有吃.

粒貝...用來做剌身非常之鮮甜味美...當晚開左三隻

Gillardeau...蠔味屬上級..海水味極濃...不用落任何調味料也帶有很重 的海水咸味...所以一定要落少許數滴擰汁吊味...層次才比較複習同美味...食完後 蠔味在口中久久未散...回味無窮...價錢亦係當晚食既最貴...$48隻..又係叫 左半打

Gillardeau是法國赫赫有名、且極少見地以養殖者的名字掛帥的名牌活蠔。和具有 最經典地位、以產自Belon貝隆河口為最佳的法國扁殼型貝隆生蠔不同。

紅顏知己...正正~

我地今晚係大客仔...加上熟客..呢碟咁有特色既手搓壽司係老闆送既....不另收費 .
畫面最上開始係葱拖羅卷 , 鮫魚壽司 ,同埋畫面最下唔知乜野魚壽司...味道輕重亦由下面食上去

生磨既葱青芥辣...質感似薑蓉一粒粒...但係由頭食到尾都有一種甜味...係同平時 食果D無得比...

"茄子漬物"個茄子真係非一般....無諗過咁既口感咁既味

刀貝剌身(大蟶子)+粒貝剌身

蟶子剌身......爽滑甜美..真係想像唔到點解會可以鮮甜到甩轆...應該在海水中 無糖份吸收嫁....?三文魚子天然鮮味略帶咸味再撞落蟶子既甜味...味覺層次多元餘韻無窮...天然鮮美結 結實實的烙在舌尖上...感動....每次吃剌身我都渴望這種感動的感覺

當然要食番經常食既藍青口，車厘蜆同翡翠螺剌身。一樣鮮甜味美。唔駛多講

生開既"活蠔"同生蠔分別在除左好食好多倍之外..仲有分別就係用叉"篤"佢則邊D邊位 隻蠔係會縮有反應的..十級滿分鮮味
畫面下至上既係...熊本蠔,Tasmanian, Gillardeau 。味道亦都係由下至上由淡至濃。鮮甜味美

真正新鮮既"活生蠔"是不需放任何蠔醬(酒店經常性會擺一兜在隔離,除了用來調味外更可用來掩蓋那些苦澀味 ).
活開鮮蠔只要一兩滴(不要太多)的檸汁吊味巳非常好食..味淡的那些如熊本蠔更不需落任何調 味去掩蓋那鮮味...

食完個活蠔後兩位笑得幾咁高興。

當晚另一"高貴推介"...由神秘人"小雲仔"order..3舊水一支..好似一支大啤size..不過好好飲 ..同平時去夏雪飲果D爭好多倍..價錢亦都高十倍.......但試過既一定覺得佢值

"上善如水"唔係一般平價貨色來哦...入口清醇...伴剌身真係超級一流.
出自老子的《道德經第八章》:「上善若水，水利萬物而不爭。」意思是說，最高境界的善行 就像水的品性一樣，澤被萬物而不爭名利。

腩位肥到好似肥牛咁呀!! 超級美味"一整條大池魚剌身"

正~~~終一嘗原條大池魚剌身

當晚另一驚喜 ~秋刀魚剌身
平時買急凍要泥BBQ既就試得多...用來做剌身既鮮秋刀魚好有魚味...一定要食完大池魚才吃..因為味道比大池魚更濃...

鹽燒大池魚頭

又一好味甜品..又係老闆送既..
圖中粉橙色既一隻..係山渣雪糕...諗唔到咁好食
內裡有 : 奶茶雪糕,紅豆雪糕,山楂雪糕,牛奶雪糕,呍呢拿雪糕球,酸梅雪糕球,綠茶雪糕球... 仲有巨峰提子味雪糕球

眾人當晚試食好食ＸＸ偣既特級極上剌身時發表"唔係唔好食，都好正。但無你講到XX咁多倍囉"...Sorry..因為你地係睇到好食XX咁多倍至做就今次既聚會..所以我決定繼續會以倍數方式去報導...挑戰大家既味覺。想"叉輪廚"我食神地位既即管再約我宵夜丫.........笨^_^

當晚比對上一次食得更金....每人要夾番四百幾...此時Dr.Lam說出"今晚呢餐宵夜請大家吃...不要爭啊"...

@@"~!!!!!!!!!!!!!!!!!!!!!!!!!!!!!!!!!!!!!!!!今晚簡直係又食又拎...眾人吃得開心之餘應承Dr.Lam下次我地夾份請佢食多餐...睇泥下次既聚會時間不遠..

....我地己經準備好下次既聚會...下次預訂美味既長腳蟹同埋銀鱈魚刺身比Dr.Lam享用,等你一聲令下...眾食神火速歸位 ^^"