鄉講輸錢最果の日~之~師父到

自己o係呢個blog都講過不下幾次...題及我的伯樂及畫野的啟蒙師父...今日書展最後一天.我終於同我師父再度相遇了...

想當年...在玉郎中心學做景的時候..因為環境內的同事質素參差..所以自己畫野當年仲自以為是覺得夠用.無乜諗住手景會有乜大進步.同埋自己不嬲好心機。所以無乜想去突破自己的機會。直至到遇上我的師父～陳偉文（大豬哥）。才知道自己的不足。

仲記得當年因為鐘意打機。成日周圍同人傾。結果識o左raymand...咁岩果陣文敵開新公司撬左raymand過去..而當其時raymand還未有景手幫忙...故毛遂自薦。而raymand更認為我D野係得.可以有更大的進步.所以就請左我過去跟佢...

我與師父raymand合照

仲記得第一個任務就係要畫十個場景去表達出他故事的世界觀..而我亦落足當年十成功力去做，而家睇番梗係唔得啦。但當年自覺好有心機好勁。應該會令raymand滿意卦...點知有一張係全張係一棵千年古樹做中心的全版景...自己花左好多時間去"精剢"以為出來效果及評語會好...況且同raymand都算岩傾岩咀型.諗住實食無黐牙....一定收貨.仲會比佢讚我好心機.點知....食就實左...但係黐哂牙呢...

raymand睇住張稿...無乜情緒大起伏...只係輕輕地淡出一句"OK啦.不過唔靚."...唔靚?有乜可能呀...?咁好心機都唔萬意...點知佢既答案更加係當頭捧喝.打穿我固有諗法外還令我技巧上幾級上進步

佢只係話棵樹都無虛實...成張咁多線但係灰哂..無前後感深淺感覺..更講了一句說話改變了我一生(對畫野既概念)佢話"車~!幅野個構圖咁平，毫無構圖可言。得個心機。有幾靚唧？只要有心機有時間慢慢砌出泥就做到。一Ｄ特別都無"聽完呢一句就令到我以後注意到在創作上；心機係要有。但係如果幅野唔靚幾好心機都唔係一幅佳作。只係好似織籐籃一樣。

raymand更加係我所見第一個唔用鋼筆又做到活潑生動既線條出來...做景，畫公仔，填頭，打氣氛，撇線可以唔用鋼筆都做到所有效果。仲要係靚過我呢個當時用鋼筆既初級景手。我係真心佩服佢。而raymand有個特色就係你同佢講野無時正經.跟本唔知佢幾時講真話.幾時同你講笑...又無乜爭雄之心...如果佢瘦D...跟本就係一個余不為...

師徒亦師亦友關係十多年第一次合照

又泥啦又泥啦...上篇至比wadee講我成日唱K...前一篇完左後..隔兩日又唱多次.今次梗有兩個目的以及更精彩..因為今次有埋短片呢篇就係

小麗子farewell加成哥生日篇

小麗子見我往西方咁樂...唔抵得之下在第二日模仿我遞信...所以我的farewell party完左後兩日又到farewell佢..最大特色就係前公司大師級人物成哥...亦都係呢日生日.

臨走...梗係要屈LL幫我戴套先啦.......我要紅色士多啤梨味既......咪套

因為3號同比利仔都係呢一個月生日.唔想厚此薄彼...所以三個都有禮物收..

我地全部人夾左既禮物就係
比利仔~~發光T-shirt
路過茶客~~發光雨傘

比利仔收到件衫後興奮莫名...但最後得到個十分搞笑既消息係....件衫係唔洗得既...有片為證...去片...

呢個世界有幾多地方你係去過？呢個世界有幾多事情你係了解?
呢個光怪陸離既世界... ...你有無見過一Ｄ解釋唔到既野呢？
o係呢度...我李居賢會同大家追查一Ｄ怪異既事同人。
泥丫...一齊泥打開呢本~~怪異集啦~!

怪異集其之一
比利仔試發光衫實況

開燈比大家睇吓把野咩料先...

怪異集其之二
神秘女唱神秘日文K

3號幾開心..

小麗見我走你又跟住走..比你攬多次啦...無相干.

怪異集其之三
高生唱日文K呀...首次披露...睇吓有無人知乜野歌?

當晚更是成哥生日...各兄弟們威士忌蛋糕周圍飛...考膠興

許願啦喂...

怪異集其之四
take野high到short short地既阿妹...

好野~終於公司最唔想見果兩個人遞信離開~飲杯....
@@"

祝成哥心想事成...

小麗子快搵到條仔慰籍吓...再見...報導完畢^^