小寶覆診 (261109)

小寶：今日見完莫醫生，仲晌診所由朝早十點困到下晝四點，



小寶：放出黎就係抽血同照心肺，



小寶：成朝冇野到肚，餓到我 CC o下。



小寶：返到屋企，食完牛肉條之後，就訓番陣。(訓到鬥雞眼都唔知添)



小寶：真係實在太累喇。



小寶：平時我要訓好多咖嘛，今日就冇得訓，因為生譜地方我訓唔著。



小寶：而家訓番夠本先。媽咪，你唔使叫醒我食晚飯喇，我勁眼訓呀！



ZZzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzz！

      
後記：

今日寶爸帶小寶覆診，早幾日莫醫生病左，冇得睇。所以排到今日至去診所，莫醫生聽完小寶心肺後，就著寶爸留低小寶，同佢抽血驗肝腎功能，心肺 X 光等。四點幾再去診所接番小寶同見醫生。莫醫生話，小寶個心臟同上次一樣，未有進一步發大，祇係肺部有些少積水，可能係導至小寶咳嗽較頻密既主因。莫醫生想話加一隻去水丸既份量，幫小寶排水。不過，上次小寶食左一輪重劑量後，變得冇理神氣，寶爸話睇定先。莫醫生都同意，佢話如果發覺小寶咳嗽轉差，就要加藥份量。如果冇特別事，四個星期後覆診。至於便便，莫醫生建議，如果可以既話，小寶慢慢轉食番 W/D，因為高纖維對大腸蠕動有幫助。配好藥，畀埋錢，寶爸就同小寶打的飛返屋企醫肚。 今次驗血報告話小寶肝腎功能指數屬正常，咁我同寶爸暫時都鬆一口氣。