忍耐

前天早上乘地鐵上班時，車站內人頭湧湧，步行下月台時聽到前面有男人大叫：「行快ｄ啦，行得咁慢阻住條路．｣

 「駛唔駛咁急呀．｣有人回應

 然後那男人便大說粗言穢語．

這天上班遇上不少奇形怪狀的個案，進度慢了一點．四時四十五分左右，有位婆婆大叫：「咁耐仲未到ｏ架？｣

其實輪多一個便輪到她，她卻嘈吵得叫人心煩，我趕得幾個小時都未上過洗手間，其實我比妳還要急．

同事好言向她解釋，她仍在大吵大鬧：「其他房都睇完啦，入第二間房睇得唔得ｏ架？｣

同事說：「咁如果你未出糧人地出ｏ左，叫人地俾份糧你得唔得丫？｣

沒錯，人家幫忙是人情不是道理，妳這樣大叫大嚷，只會讓人覺得妳蠻不講理難應付，更不想幫忙看妳了．

她等了大約一小時，其實也不是十分過分，如果去急症室可能要等上三四小時，就算看私家醫生都要等．這兒等候的環境也不錯，有座椅有瓦遮蔭，去銀行輪利是封，去酒樓等飲茶都要站著來等．

人多的地方就是要等，大吵大鬧不是解決問題的方法，不是夠惡便可以打尖．

多一點忍耐的器量，可以嗎？