買 "食送" 三寶

我買 "食送" 不能缺的三寶 :

1. 買"食送"袋 :
厚料可受重, inner coated PU, 可以防水嘛, 仲可以咩上肩, 輕鬆得多呢. 這個shopping bag, 我夏天仲會將佢做埋beach bag啊!

2. 大size膠盒 :
以圖中呢個為例, 可以載成尺幾的烏頭架, 我買海鮮多, 加多一斤蝦落去都仲有位剩, 有時魚擋阿姨仲幫我放d冰落去keep住d蝦新鮮, 呢個盒就可以防止魚水漏出, 超方便呢!

3. 細size膠盒 :
載肉的, 免治又好, 肉片又好, 返到屋企用唔晒可以原盒放雪櫃. 又乾淨又整齊.

仲有路人甲狗狗, 我一放個袋落地下, 佢就當左係佢張被, 坐o係度搬都唔走, 唯有擺埋佢入鏡啦.

其實只要帶幾個盒, 買送可以零膠袋, 返到屋企處理食物都方便整齊得多, 何樂而不為呢! 至於我屋企有冇用多了垃圾袋? 答案係 "沒有", 除了廁所, 我家只有廚房放垃圾桶, 如當天煮飯, 晚上會將廁所的垃圾倒到廚房的垃圾桶去, 然後才拿去掉. 那廁所的膠袋可以重用. 如不煮飯, 我家差不多一星期才用一個垃圾袋呢.

當然去超市, 少不免會有大量packaging的消費品, 買青紅椒都會有發泡膠盒, 罐頭, 飲品等, 這些包裝大多數都可以recycle的啊, 佢地仲有價值架, 記得廢物分類, 等佢地可以延續生命呀~

如人人都樂意生活上作出小小的改變, 地球先生就食少好多垃圾啦, 香港地方細細, 真係冇幾多位做堆填區架咋, 我地一齊努力啦!