西貢區長跑比賽2008/09

今年係第三次參加西貢區長跑, 因為很久無練速度及斜路, 所以希望唔係太高, 求其快過舊年就收貨。去到比賽場地都見到有啲高手, 簡單熱身就等起步。由於舊年搶頭導致回程乏力, 所以今次起步慢慢嚟唔敢太快, 留住留住咁跑, 3K大慨11'3x", 仍然望到主車群, 不過一開始上斜就被放甩, 4K約16'0x", 跟住愈來愈慢, 半程20'37"。數數人頭好似第五六位, 壓力無咁大, 不過會長就好近, 故落斜就順腳回氣, 留待末段有需要砌過。會長這時發力過我, 我依然保留體力, 落到壩跑平路先慢慢追近佢同另一位同組跑手, 7K好似28'xx", 到壩中間小斜坡左右才爬到佢哋頭, 離遠見到平時同組嘅另一位跑手, 於是繼續加速, 追到差不多剩返1K左右先追到, 跟住上多幾百米斜路就係平路同落斜, 望望後面都幾遠, 不過就見唔到第三位無得追, 無乜壓力不過都跑快啲早啲收工。

前半程 20'37"

後半程 19'57"

大會時間 40'34", 全場第9, 組別第4, 執到個牌

策略成功快過舊年