疑致鬱悶釀自殺 港倡管制保膚靈

【明報專訊】英國    一名28歲女子疑因服用治療暗瘡藥物Roaccutane「保膚靈」導致鬱悶，終跳出火車軌自殺。有本港藥劑師警告，此種暗瘡藥除可抑制油囊細胞分裂，亦會令胎兒成長的細胞受抑制，孕婦服後可能誕下畸胎，建議衛生署    收緊有關危險藥物。

香港醫院藥劑學會副會長崔俊明表示，「保膚靈」已列明可導致抑鬱、精神情緒受影響，外國亦有文獻顯示有病人因藥物而衍生自殺念頭，但本港無有關統計。他指「保膚靈」在港只會用以治療嚴重暗瘡，而且必須是其餘方法全告無效方可使用，所有服用者，特別是女性，都要先簽署同意書，表示了解藥的副作用。

藥劑師促衛署收緊處方法例

崔指過去此藥只供應予皮膚專科醫生使用，監管較嚴，惟本港衛生署在2005年放寬處方方式，現時一般醫生亦可處方。他擔心藥物會導致濫用，衍生嚴重後遺症，署方有必要考慮收緊法例。

強力口服暗瘡藥「保膚靈」曾被指引致孕婦出現畸胎，美國    食品及藥物管理局（FDA）將加強監管該藥，包括限制使用劑量，服用者更須簽署文件，確認知悉藥物的副作用。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

依隻藥小妹都曾經食過.. 不過小妹既暗瘡真係唔算好嚴重!!

不過醫生都照開依隻藥俾我食!! 我吃左2日藥就停左!! 

因為我上網睇左好多依隻藥既資料.. 發現佢既副作用唔單止醫生講既咁少!!

醫生只會講會口乾,服用期間唔可有bb,唔係會生畸胎.. 

至於會引致抑鬱, 傷肝等.. 完全冇提....

之後小妹衡量過輕重, 決定唔再服用!! 因為食真係驚驚地.. 亦都覺得

個醫生好濫.. 唔理個病人既實際需要就開依隻藥出黎.. 

我知依隻既藥費既貴.. 不過都唔好咁厄錢阿. 有番少少醫德好!!