交代？

自從加入了這家公司，需要一段長時間適應（或許我的適應能力較慢吧？），至今其實都已經算OK了，回想起來其實是我的得著呢！不知幾難得才能遇上一個有咁騎呢文化的部門，又有各種騎呢人加正常人的組合，機會真係很微呢！如今讓我遇上，給我機會學習如何跟他們共事，實在可喜！！

以前的公司，成個部門係一個很緊密的團隊，大家年紀差不多，哈拉哈拉又一天，當然對工作很認真，但該輕鬆時輕鬆，一天的工作中，不時都會有笑話，大家沒有機心，互相幫助，真係好開心呢！那四年多的時光真特別令人回味！以前我們去旅行，大家都會知道去邊，都會好樂意分享，買野食回來跟大家分享更是樂在其中啦！

來到呢家公司，放親大假就問我去邊，一個二個好似好關心，講真，平時話都唔多說一句，打死我都唔信佢地係真心關心囉！可能打聽一下可以在其他同事面前宣揚一下自己收到乜風之類卦？！（對住呢班人，以小人之心是在所難免的）我幾經辛苦之下，才找到幾個圓滑一點的反應，讓自己可以不答對方，而對方又不太難下台的：

個案一：

一個年青人待我放完長假後回來追問我去左邊，我反問佢...您問來做乜呀？
佢話八卦囉！那時我路過的，那我匆匆走開，說要忙。
翌日碰到他，他又問，我想了一陣.....笑笑口說：「我忘了！」他都好笑，反問「忘了？」我話「係呀！」哈哈。。。。。又過骨！

個案二：

一個比較高級的又問同樣的問題，我笑笑口答：「唔答得唔得呀？」（表面上係一個問題，實際上係話俾佢知我唔想答）她就笑笑口咁話：「做乜呀？放心喎，我唔會問您要伴手禮喎！」接下來我都係笑笑口....咁又過骨（怕且佢以後都唔會問啦）

個案三：

呢次就有點失策，以上兩個人都是在單獨時問我，呢次那個女同事大大聲咁問我，而附近又有同事，兼夾我沒有準備，我的回應好直接兼跟她的聲線一樣：「唔講得！」（算唔算架係自己拿來丟？）佢有點尷尬兼扁咀地說：「我都係想睇下您去邊度玩，玩得開唔開心o者～」我笑著回答她：「我玩得開心，謝謝！」

哈！後來被我想到一個應付這個情形的方法喇！
就係好嚴肅咁回答「唔講得ga....我去做特務呀！shhhh....」　
（諗起要用到呢句時，已經忍唔住笑出來。。。哈）

而家同事們都知道我，私人的野我唔會答，再問我都係會說「私人的事我唔答」。有時也會有人問不該問的問題，因為我的職權，知道一些別人不知道的，如果我唔知的，我會老實答；不需要記的資料我不記，所以人家問到我就答「忘了」，那　就不用說謊喇！不過有時我真係記得，但人家又問，咁我會直接答「唔講得」囉！職責所在嘛！