結婚日子要改期

之前好唔容易定好6月27日係結婚大日子!
不過八月頭知道左個壞消息, 就係我地6月27日馬會改左係賽馬日!
變左我地又要再搵過第二日啦!
知道個壞消息既時候真係勁down, 仲好嬲呀!
因為係我未來奶奶發現6月27日變左係賽馬日,
唔係馬會個邊通知我地架!
唔係未來奶奶發現個日子有問題, 我地都唔知到幾時先知呀!
好彩去試妝個日覺得個化妝師唔岩心水無俾錢hold期咋!
如果唔係就更加激氣同唔知點好啦!
個時真係好嬲負責我地張單個sale架,
因為佢無第一時間通知我地個日子有變動!
當然我哩個心急人就即時打電話搵個sale問清楚啦,
點知2個負責我地既sale都放左大假!
咁我就只好留言, 等佢回覆啦!
留左言既第二日馬會有個人覆我地!
佢同我地解釋左成件事!都平伏到我心情!
不過後來因為可以定到4月17日, 係星期六黎既,
加上負責我地個sale放完假反黎, 同我地跟進番成件事,
個心情先好番!
其實6月27日係我地既second choice,
我地既first choice係4月17日,
但4月17日就俾另一間公司hold左個日子先!
所以個時我地只好要6月27日, 4月17日就係waiting list,
今次6月27日改左係賽馬日,
好彩既係hold左4月17日個間公司會改期,
咁我地就可以要左4月17日啦!
所以依傢我地既大日子係2010年4月17日!