親子齊齊做風箏

今朝５点零、當我重喺被鬥裏面発緊夢嘅時候、無啦啦感覚有人揺我張床咁。。。

抹大眼Ｆｅｅｌ清楚啲啦！？

地震！！！！

━━━━━━((´´ﾟﾟдﾟﾟ｀｀))━━━━━!!!!

即刻拍醒皇帝！　佢就抹大眼、「哦！」咗一句。　＿|￣|●

等多陣、冇事！(爆)　再瞓過。(笑)

搬咗嚟龍屋後、我都係第一次感受過地震架咋！（＾＾；　比起以前住嘅屋、雖然佢地話係石屎屋、即係普通類似香港嘅Ｂｕｉｌｄｉｎｇ咁、但當地震嚟嗰時就會有啲「辣辣聲」咁、就好似啲牆同牆之間磨擦咁嘅聲、重有啲玻璃窗被揺咁嘅聲、哩啲聲我就最憎聴倒架喇、因為好鬼恐怖！(囧)　次次我都被哩啲聲嚇到鶏飛狗走、我覺得重有効過鬧鍾聲！因為間屋未揺、我一聴到就巳経即刻弾咗起身。

但今次龍屋出奇地係冇咩聲！(爆)　只係揺揺吓、又聴倒少少玻璃窗被揺嘅聲ONLY.　之後我頭先上網睇返今朝地震幾多級啦。。。？　

係３級嘅！( ´益`)hihihi....　

嗯…　如果係之前嘅籠屋的話、可能會有少少嘢震跌都唔出奇。(囧)　総言之、地震真係好鬼得人驚耶。。。

好喇、我要出発去娃子新幼稚園嘅家長吹水會喇！（＾＾；　今次係我第一次同娃子班嘅家長見面、請等待報告吧！(爆)

請呀～～！　

□■□■□■□■□■□□■□■□■□■□■□□■□■□■□■□■□■□□■□■□■□■□■□□■

早上１０：１５、準時到達娃子的幼稚園同娃子一齊做風箏。　( ´益`)hihihi....

哩間幼稚園好過之前嗰間呀、因為佢地有多啲地方俾我地啲家長泊車、唔洗争位争餐死、我又少啲圧力。　（＾＾；

去到娃子課室門前、娃子見倒我即刻失哂常性、猛４囲同啲同學仔介紹佢老母我係乜水。　唉…　真係尶尬。(囧)

之後、成班同學仔向礼堂方向移動。　囲成一個圏、等啲阿媽入席、認返自己。　

喺我同入席之前、我巳経四囲昅衡哂、發覺哩度啲家長正常好多！　起馬冇哂套装党、名牌珠錬党、Ｓｅｔ哂頭、化衡粧、個個都牛記笠記、平底鞋、普通風褸一件、再唔係就冷衫外套嗰啲。　

( ´益`；)　好喇好喇、都話之前嗰間幼稚園啲家長有問題架啦（￣へ￣）！？　有咩理由次次幼稚園有親啲咩咩咩ＥＶＥＮＴ都要搵套装著至得假？　又唔係去見工。。。　講出嚟都笑死街坊。（＾＾；

▼　等入席。

▼　入到去、搵娃子。　　場面一片混乱！！！　

衰娃子就即刻軟腳蟹咁、企又唔識企、係咁黐住我。　叫佢自己坐又唔肯！　激鬼死。　因為地方比較窄嘅関係、個個家長都要「正座」、（即係日本人嗰啲跪地坐法）。　雖然我都嫁咗嚟一段日子、但要我跪、真係唔多掂、再加埋娃子要坐喺我大比上、真係腳都痺埋！(￣ロ￣lll)　但又唔可以盤膝咁坐喎、勁哩Ｈｅａ…（汗）

好喇好喇、我終予見倒娃子成日講嘅Best friend喇～

佢就係娃子新識嘅朋友女、叫做Ｓ小朋友。　

好記得、娃子入學嘅第一個星期、就収倒哩位小朋友寫俾娃子嘅信。　信裏面内容就寫咗一句、「以後一齊玩啦！」

( ´益`)hihihi....　よかった！　（真係好喇）、咁快就有Ｆｒｉｅｎｄ．做阿媽嘅我都放心哂（＾＾；

睇娃子佢由入礼堂到而家都係咁Ｔａｌｌ住哩位小朋友唔放、坐都要一齊坐！　睇嚟佢地真係好鬼Ｆｒｉｅｎｄ咁啵( ´益`)hihihi....　

首先、教做風箏嘅老師先講解一吓隻風箏点整、之後就先俾小朋友喺張做風箏嘅膠上面自由発揮、任佢地畫公仔。　娃子又要我畫猫( ⓛ ェⓛ)。。。　是但啦、未畫一隻細嘅俾佢照住畫囉！？

但我同娃子講、隻風箏一陣飛到天咁高、畫得咁細仔、一陣上到天空、隻猫就細過粒鼻屎、睇唔倒架喇。。。(囧)

最後、娃子就唯有叫我同佢畫隻大嘅喺中間、自己就再畫一隻中Ｓｉｚｅ嘅喺隻風箏嘅頂頂。。。（＾＾；　之後我就聴住老師教點様黐穏隻風箏、但其實黐好一隻風箏都好用神同要好鬼仔細、咁試問啲小朋友又點識黐哩？(囧)

▼　哂咗我半個鐘頭、黐好哂之後、又俾娃子喺隻風箏嘅尾度畫嘢。　

▼　最後完成喇！

▼　親子合照。　兩個Ｈｅａ鬥Ｈｅａ…　(爆)

哩隻咁有意義嘅風箏(笑)、将會喺明年１月嘅某日、喺鬼怒川度放上天空嘅！　到時記得密切留意我地呢項親子活動呀～～！( ´益`)hihihi....