放猫

２０１０年１月１６日、早上１１時左右、我地従娃子幼稚園轉移地方、去到鬼怒川的一個吉地處…

▼　鬼怒川對面嘅雪山（応該係日光？）、勁靚！！！♡o(✿。✿）

還記得上次我同娃子喺幼稚園度整嘅一隻｢神猫一号無敵風箏｣嘛(笑)？　放心、我雖然成日掉娃子啲嘢、但哩隻風箏我係唔會掉嘅。哈哈(￣∀￣*)ゞ　

▼　今日、「神猫一号」就會係哩塊地霊人傑嘅鬼怒川吉地上空大放異彩喇。　(爆)

当日、個天真係一舊雲都冇。　藍到不得了！　但勁大風、好很凍（２℃）、我同娃子、皇帝３人都著左３条褲、一条短(爆)、兩條長、希望可以敵得過哩度啲寒風啦（＾＾；

Sorry,　因為冇人揸機、影唔倒腳。(笑)

講真吖、我出世至而家、都未試過放風箏、只係試過細個嗰時撻阿媽啲膠袋、之後撻埋阿媽嗰啲衣車線、Bong住個膠袋手挽、之後同ニ魔多呀、細佬嗰啲禽喺窗邊度放膠袋(爆)　　

哩個玩意、我相信在坐各位細個嗰時都會試過。(爆)

而家諗返起真係笑爆咀！(笑)　但時間過得真係快、一轉眼、自己都做左人阿媽喇…（＾＾；為咗実現自己嘅願望、又娯楽吓娃子、食哂風都要嚟放啦？！(￣∀￣*)ゞ

皇帝同我講、佢都試過放風箏！　不過巳経係小学唔知幾多年班嘅事喇…

▼　好喇好喇、隻猫都未放姐、巳経癲哂咁四囲藤。(囧)

▼　放線！　隻猫即刻Bang Bang聲飛都有咁高得咁高。

▼　之後重差啲介倒人地嗰隻狗添。(爆)

▼　飛呀飛呀！喺Choco house吽左咁耐、而家Free哂喇～　Meow( ⓛω ⓛ )

▼　娃子哩張好型呀！！♡o(✿。✿）

　←　娃子身後有個傻婆。

▼　俾你地聴吓啲風聲啦。(囧)

▼　哩條阿叔、就係唔知咩咩咩宇都宮嘅做風箏達人。　佢一次過放十幾廿隻風箏上天。　PRO果然係PRO、唔似得我地咁追住隻猫係咁喪跑。。。(囧)

不過放風箏哩様嘢其實都未啱娃子玩。　因為放風箏要好用力架！(笑)　娃子咋住條縄都咋都手軟、、、

最後梗係要由皇帝執死鶏啦…(囧)　　之不過阿皇帝又鬼咁Enjoy喎、重影倒佢一張笑到有牙嘅相▼

真係要搵相架表起佢先得！(爆)

▼皇帝放風箏、我地R爛腳。　就同娃子影相相做報告啦。( ´益`)hihihi....

▼　哩個係娃子班嘅班主任。　重有娃子班嘅同班学生同佢地嘅弟弟。

哩個先生真係好好架、知我係老外、一見倒你又唔會同你講天気呀、廢話嗰啲、佢會就住就住用啲簡単易明嘅日文嚟同你Talk、性格爽快又夠Tough、我鍾意佢呀！　

拿、喺啲先生面前、老蟹都要扮傻仔！　哈哈(￣∀￣*)ゞ　咁佢就會Take care你多啲！就算有時帶漏嘢、佢都會体諒你係老外、唔會怪你。(笑)　　但如果一班裏面多多兩件我哩啲老外、先生一定命都短幾年。(爆)

臨走前、喺哩個咁靚嘅藍天下、再同娃子影幾幅先！( ´益`)hihihi....

報告完了。

◎後記：　講真吖、我真係想帶個膠袋嚟放吓架(爆)。

多謝収看！(*´ｪ`)