家長會

5-11-2009

星期四

天氣晴朗

今晚收工之後就趕住去細佬學校開家長會

早十分鐘走.... 去到已經差不多夠鐘

7:30左右就開始

其實呢D咁既家長會都係講果D野

早幾年哥哥學校就好似冇搞呢D家長會

其實係連一年一度既家長會都矛咖...

又話歷史悠久 , 點都有D名氣丫..

好似D學生搞得掂就算 ..

反而細佬而家間學校仲有教學熱誠

今年係最後一年會考....

考得唔好就比較麻煩 ,

又矛得REPEAT,

係連學校都講明唔會收中五重讀生,

所以我見好多家長都比較緊張

其實我都好明白各位家長既心情

而家好多都係得一個小朋友 ..

同埋邊一個父母唔想自己既小朋友可以讀到書丫...

又適逢佢地係末代會考生...

好彩既話2年後又要做末代高考生

佢地既壓力都幾大

我地做父母既只有支持 ...

叫佢地盡左力就可以 ..

考試既野好難控制到...

如果順利既可以原校升讀中六就最好

唔係既話.. 條路會係長D, 只係怕冇心讀啫

老師話只有四成學生可以升讀中六...

在此... 希望各位會考生能好好把握時間

盡力而為 ....

校長話.... 套用 "楊利偉" 一句說話

機會係留給有準備的人

我就借用呢句說話就送給各位考生啦!!