嬲爆的一次 - 見工

今日見工事件 : 今日我約見1點去見工, 我12點40分去到, 諗住填埋份表格都差唔多啦, 點知等到成1點40分都仲未見,( 中間個段時間我聽到見我個位老闆叫人幫佢叫外賣 (1:05分) 之後叫佢地員工全部開會(1點35分),

我忍唔住走去問一位女員工 "唔好意思, 請問幾時先見得呢?"

女員工 "因為佢地以家開緊會, 可能要你再等多陣"

"咁即係等幾耐呢? 因為我返緊partime"

 "你返幾點?"

 "2點半"

"咁一係你留低d 資料到時再call 你"

 "咁麻煩你比返d 履歷同張相我先"

個女員工呆左 之後就叫另一位男同事拎返比我,

 之後我就同佢講 "咁麻煩你如果你公司有時間既先call我啦"

有無搞錯! d 老闆唔係好想我地d 職員唔好遲到既咩? 唔係好想我地d 職員有交帶既咩? 依家你就以身試法, 你忙唔緊要, 都要講聲丫, 搞到我地一班黎見工既女仔等你成粒鐘~ 你d 時間寶貴難道我地d 時間唔寶貴既! 嬲死我啦!

以前我係舊公司遇到老闆 "好忙" 時, 我會出去同d 女仔講, 唔駛令到d 女仔不知所措, 如果真係太耐都仲未見我真係會主動問老闆 / 提醒老闆, 大概幾時見 / 講聲比佢知已經有好幾位見工人士到左... 如果老闆真係抽唔到身見人, 我會問老闆要唔要其他主管丫or 高層人士幫手見工的~ 

不過唔怪得間公司d 員工, 因為個老闆都懶懶行, 員工點會咁有心丫~

要人尊重請先要識尊重別人!!!