Nov 16,09 各大報章有關 GEM 的報導
G.E.M.排舞撞瘀腳
鄧紫棋（G.E.M.）昨日舉行新碟簽名會，她表示最近忙於為演唱會排舞，弄致雙腳瘀青，要着黑色絲襪遮掩，她說：「好緊張，尋日排到一路跳一路唱錯，公司叫我唔好要求咁高。」G.E.M.透露已邀得林海峰任演唱會嘉賓，並有一位超級特別嘉賓，對方是她的偶像，但因要保持神秘，故暫不便公開名字。
另外，G.E.M.早前到內地擔任謝安琪見面會嘉賓，她大讚酒店房間很大，入住後亦問酒店借浴鹽浸浴，享受一番。
G.E.M.舉行新碟簽名會，吸引大批歌迷撐場。
太陽報
G.E.M.瘀痕纍纍絲襪遮醜
鄧紫棋（G.E.M.）昨日為新碟舉行簽名會，吸引大批歌迷撐場，尚有幾日開演唱會的她，坦言心情十分緊張：「仲未排晒舞，自己唔擅長跳舞，昨日綵排時仲一路跳一路唱錯，成個人亂晒。」結果跳到雙腳都瘀，要着黑絲襪遮住。
不過，她開心透露除請到林海峰做嘉賓外，還力邀一位超級特別嘉賓：「佢係我偶像，希望佢度到時間。（邊個？）唔講得住，不過佢好有話題性。」另G.E.M.早前到紹興為謝安琪見面會做嘉賓，她表示大會安排的酒店房間很大，單是洗手間已比日本一般酒店房大兩倍，她即問酒店借浴鹽浸浴享受一番。
鄧紫棋練舞練到瘀傷纍纍，要穿黑絲襪遮掩。
東方日報
馮仁昭四圍超： G.E.M.唱錯賴林海峰
稍後會舉行音樂會嘅鄧紫棋（ G.E.M.），噚日到又一城舉行簽名會，佢話音樂會搵咗個神秘嘉賓同林海峰（ Jan）表演，問驚唔驚 Jan整蠱佢， G.E.M.話：「有首歌係阿 Jan作畀我，首歌要我 rap，都應該係玩我！」佢為咗音樂會努力排舞致雙腳瘀痕多， G.E.M.話：「跳舞同唱歌協調唔到，一跳就唱錯歌詞。」
Photos credits to ppl from G.E.M. forum
