09-10歐聯估波膽08

近期對賓尼迪斯,萬般奚落,只因 " 要攘外 必先安內 "

儘管主客觀因素使然,缺了老四費托,利物浦不過是平庸球隊,是夜,歐聯確是"夢醒時份",但國難當前,作為死忠派,口硬心軟,仍然相信喺打不死紅軍精神之下,球證一日未吹完場哨,都仲有神蹟出現嘅可能性,就算出局,也要轟轟烈烈.

p.s.    加歷查講利物浦近年最錯誤決定係無簽安歷卡,我覺得當年唔簽安叔無錯,皆因佢當年個心根本唔在於利物浦,好係過客心態,事實上佢當時表現亦未算標青,簽佢,可能係另一個施斯而已.
          反而,最棋差一著,係賣走高治,有呢位具入球能力與技術嘅高中鋒在陣,假如賓帥識得安撫,等佢安心做好二號或第一後備前鋒嘅角色,費托肯定唔會咁辛苦,進攻板斧亦可豐富一啲唔哂咁單調.當年賣走高治,全因儲錢買羅比堅尼,但後者板凳都坐暖就走人,人貨雙失,紅軍虛耗之極.


E組
費倫天拿    vs    迪比辛                    3:0                    5:2
里昂    vs    利物浦                    1:1                    1:1

F組
卡山魯賓    vs    巴塞羅那                    1:2                    0:0
基輔戴拿模    vs    國際米蘭                    2:1                    1:2

G組
西維爾    vs     史特加                   2:0                    1:1
烏尼雷亞    vs    流浪                    2:1                    1:1

H組
阿仙奴    vs    艾克馬爾                    2:0                   4:1
標準列治    vs    奧林比亞高斯                    1:1                    2:0



後記

除了巴布福至心靈世界波,成場波,好爛,好核突,要知道對手里昂亦有內亂,球員質素唔算好高,明顯唔及以前.

但紅軍,依然毫無章法.

成日話缺中堅,周圍去搵中堅,結果搵咗件超級呃飯食水貨人物--卡治亞高斯
........................................

費托成場波好無奈,比起佢喺當年馬體會低迷期時更無奈,我諗,紅軍都幾難留得住此子.