行行行, 周圍影

之前有一日放假,

老闆娘就帶左我同同屋女出去行街

原來係去新天地

行d舖頭仔, 睇中左一條頸巾

勁中意

仲寫住on sale   50% off

心諗, 無死啦, 半價

一睇 $800

我就話, 半價之後都要$ 400 wor

痴左線, 梗係唔買啦

老闆娘就笑笑口話問下折左未啦

點知...... 係折左之後$800

痴痴地..........

我就梗係即刻擰轉身走人啦......

黎得上海

見到上海灘

就梗係影下啦

(雖然好無聊)

呢兩幢野係飲茶ga, 不過個樣好唔似

跟住就見到好多飲野0既地方

我當然齊行無飲啦.....

入去幫襯簡直係將自己d錢送比人一樣........

呢間都係飲野,

但係有davidoff , 所以影多張

不過都係因為無聊

嘩, 終於比我見到啦

不過個個都叫我要報就報英國0個間

唔好報呢度

(我夠知啦, 貴3-4倍wor大佬)

但係經過0既感覺都係好似朝聖咁...

呢度有間戲院

有d戲好似係香港無ga

不過戲飛都係60蛟一張

我諗向上海睇戲都算幾高消費

好彩.......

本小姐唔係好 "好" 睇戲

離開左新天地一直向淮海路行

見到有間超得意但係超貴0既玩具店

門口放左幾個好大0既公仔

我呢d白痴"遊客"就梗係又影下啦

行行下....

嘩, 反左銅鑼灣

搞錯呀, 一模一樣0既???

睇埋隔離..........

oooorrrrrr.....

好d

再行....

唔好意思

我已經唔知自己向邊喇.......

不過好好笑

向條街行行下

忽然見到有d 枱櫈向街邊

仲要好明顯係專登間一個位出黎放ga wor

真係有風味

不過咁又arm 0既

呢度一條街最少等於香港3條

真係要出去行街就真係會行到斷腳

唔坐下點算

好喇

成日周圍影

影完就益下你地啦

哈哈

你地呢?

點呀??

係咪好掛住我呢????