點解你面皮厚過腳皮??

以前自己脾氣唔好, 所以就斬手指發誓要改, 丫到左自己真係脾氣冇咁臭既時候, 上天就硬係要比 D 試練比我既, 直情係想挑戰我既極限.... 

近排波友都唔知做咩事, 經常性挑戰我極限, 成日借D意激嬲我, 然後就扮冇事發生, 塊面皮呢就仲厚過腳皮, 算數, 一次我唔出聲, 兩次我都唔出聲, 我油佢, 我就睇下佢想點, 丫, 佢冇改善不特止, 仲變本加厲...

近排佢唔知錢多定咩喇, 成鬼日病, 所以次次都同佢食粥, 本身我唔係咁鍾意食粥, 不過見佢病就諗住就下佢啦佢去食粥, 丫點知佢話成日食粥好悶喎, 喂你病就冇選擇架啦, 點知佢仲話要食小籠包, 腸胃唔好仲食咁油膩既野, 算數, 食完痾果個係佢, 咪食囉... 比著以前我反左台走左九世啦, 我唔鬼理佢, 我照食, 呢舖我贏左, 冇發脾四.

病好左, 佢好似正常返問我想食咩, 我話要食拉麵, 佢呢頭話好, 仲話上 openrice search 下去邊度食好, 丫點知最終佢帶左我去食雲吞麵... 拉麵變雲吞麵... 我好直接問佢知唔知咩叫拉麵, 佢竟然話拉麵同雲吞麵差唔多, 一樣係有 "簡" 水味....  我冇聲出, 食野算... 費事激氣.. 比著以前, 我已經搵摺凳辦左佢九世.. 算數, 我照食, 唔理佢... 佢冇收手不得止, 仲晌則邊助慶.... 不停同我講 D 墨魚好好食..... 仲話我碗麵越食越大碗... 好抵食.... 我唔理佢, 一隻手拍唔嚮, 我唔出聲佢就會冇引, 算數, 我原諒佢.

今晚, 佢又問食咩好, 我梗唔中佢計, 我唔作主等佢話事, 丫佢又唔知發咩神經話比我話事, 我於事求求其其揀左間茶餐廳算, 費事煩, 因為我好多野做, 唔得閒搵, 一去到佢又寸我, 問我因咩因素揀去呢間野食... 比佢吹脹... 今次我黑面喇.. 成場唔出聲, 佢知我嬲, 就好好聲氣話不如食呢樣食果樣... 相處咁耐, 佢好清楚我為人, 就係我一唔出聲佢就問我好多野, 跟住我又好冇性格咁把口好似放監咁唔記得原來自己係嬲緊...

點解你塊腳皮生左係塊面度先? 而我又點解咁善忘嬲你唔落先? 我都唔知點解.. 唉, 點解想 keep 住好似以前咁簡簡單單開開心心係咁難既呢? 距離越近, 我就越怕, 好自然去逃避, 要平衡到點到即止原來係好難...