連帶關係

今朝返工, 行去巴士站既時候見到一樣好心酸既野, 我見到有隻貓貓比車撞死左, 瞓左晌地下樹... 果一刻我個心抽左一抽, 因為佢既顏色同花紋都好似我家姐隻貓貓, 佢叫餅餅, 突然間回唔到魂, 好似瞓晌地上面就係餅餅黎... 果刻真係好唔開心....

當我回返魂既時候先諗起上年冬天有幾隻同顏色同花紋既貓貓晌我屋苑附近既花槽出世, 果段時間我成日都見到佢幾隻野追黎追去玩... 我估我今日見到既係其中一隻...

可能我係愛貓既人, 所以我數得出我屋企附近有幾多隻流浪貓, 亦都可以嗡得出佢地個花紋顏色...

今日, 心情因為咁樣而唔係咁好....

到左晏晝, 再加多一樣野令我更加唔開心... 波友做左 D 我覺得佢唔尊重我既野, 我就好似發癲咁起勢鬧左鑊甘既佢, 同佢相處左一年, 今次係第二次我好認真咁鬧佢, 為既係同一樣野... 有時覺得佢真係太過少爺性格, 佢自覺做乜都岩, 講乜都係道理, 好少理人感受... 咁岩今朝我又心情唔靚, 可能平時我唔會咁大反應, 可能係連帶關係啦...   所以語氣都真係略為重左些少.... 最尾佢 say 左 sorry... 但係我冇睬佢喇, 我想靜吓諗吓係咪我又小事化大呢...

都話距離越近就越多磨擦架啦... 我諗我係時候行遠佢少少..

餅餅你要健健康康呀.. 我最錫係你架!