永安大減價之bb 用品

其實一路都諗緊究竟幾時買bb 用品先係最適合呢 ? 早買又驚阻住間屋, 遲買又怕個時個肚太大唔方便. 宜家6個幾月, 照計都可以遲少少先買, 但係適憑各大百貨公司有大減價, 就買左先啦, 無謂成日心掛掛

之前的jusco/ 一田減價我都無咩留意, 因為我屋企附近無呢兩間百貨公司. 另外自己又成日覺得佢地減得無永安咁平, 所以就一心等永安減價先出擊, 今次真係買灑所有比較大件的bb 用品 : bb 床, bb 車, high chair, 消毒奶樽機, 奶pump, 連d濕星bb 野都買埋 : bb 睡袋, 奶樽, 紗巾, bb lotion, bb 床上用品, 包被等等, 買買埋埋就無左 7 張金牛.

不過我自己就一早同老公講定買bb 野, 第一就係安全, 但係就唔需要過份花巧, 例如買bb 衫咁, 我自己就認為夠著就ok, 無需要買好多又好靚, 一來係慳錢, 二來又環保d, 最重要係我覺得bb 咁細個就提供好好的物質生活俾佢, bb 大下大下就唔會珍惜.

今日去大出血期間, 遇到一個好健談的太太. 正當我係度睇緊 mustela 的 lotion 啱唔啱三月出世的bb 用時, 個位太太好好人咁話我知, 佢覺得呢隻野一般, 佢話佢住係canada, 但係佢個bb 用個呢隻野d 皮膚都唔好, 佢話even 佢係canada 住都唔會買 番美國/歐洲 野俾佢個bb 茶, 會叫朋友或者得閒返香港時 入定d 日本/korea 用品俾佢個bb. 佢仲推介左好幾個牌子俾我, 哈哈, 我就好聴佢話咁買左支 日本牌子阿b哥 的lotion 添