大冬瓜去玩 yoga

講過話今日去試堂, 就點都去試吓..

今朝起身已經好累, 經過詳細考慮, 就連爭穿頭報名o既產前講座都無去, 因為今日個topic "產後護理及營養" 好似不太吸引, 所以就放棄咗... 寧願瞓多個幾鐘, 整裝待發去玩 yoga...

12:15noon 先食完早餐 + 睇完中醫返屋企, 即刻拎袋走人, 因為 12:45noon 就開始 la, 好彩落到樓架巴士仲未開, 話咁快 12:40pm 就到咗長沙灣, 地點唔太難搵, 就喺爸爸以前公司對面, 上到去諗住都要先交報名費.. 但點知已經見到十幾位 mama 坐喺地下做熱身運動, 企咗十數秒, miss 終於見到我, 佢只係好簡單咁話可以入去換衫, 放底個袋入黎搵個位坐低就得...

我當然無表現到我係一個新人啦, 只係好輕鬆咁坐低, 跟住 miss instruction 一步一步咁樣做, 動作比想像中容易, 集中喺拉筋部份, 真係由頭拉到落腳趾尾 ^o^, 上咗成堂, miss 只係走過黎指導咗我一個地方, 然後都無乜黎過我度, miss 話好多新同學都做到（唔知係咪想比Ｄ鼓勵我地）...

地方唔算太大, 今日大約有廿位 mama 一齊上堂, 可能因為之前 bk 有 mama 已經提醒咗星期六會多人 d, 所以都有心理準備, 一早揀咗個好位, 但都算夠空間活動，＄８０/堂，算係咁 ga la, 可能因為全部都係孕婦, 所以做起上黎都會放心＋輕鬆ｄ, 因為個個都做緊同樣動作, 應該唔會有事... 最搞笑o既一個動作係全部 mama 要瞓晒喺地, 雙手捉住雙腳, 然後左右兩邊擺, 我突然諗起一幅圖畫就係有廿幾個冬瓜喺地下度碌黎碌去, 場面都幾搞笑...

話咁快, 1 個鐘就係咁過去, 由於速度都幾適合我, 兼且 msis 唔 hard sell, 所以我就一次過 join 10 堂, 希望對我陀 b + 生產有幫助啦..