Tokyo Trip -Day 3 (Hello Kitty Land)

我地禽日係農場買左個cheese cake, 留左黎做早餐呀~小攸一早見到個蛋糕就會要食, 重唱Happy Birthday song, 兼要扮吹蠟燭, 好似為自己慶祝生日咁, 講番個cheese cake真係超鬆軟, 好好味! 可惜只係得一日限期, 所以想帶番d返香港都唔得

食過早餐, 出發啦~今日既目的地係Hello Kitty Land

係門口遇到一對日本既情侶,  佢地話因為有對朋友有事黎唔到, 問我地要唔要d飛, 佢地個d係特價門票, 平左千幾二千yen架~我地梗係要啦~橫掂都係去架啦~真係好, 出路就遇貴人

一入到去, 就見到Kitty 係門口啦~小攸話要去同Kitty say hello!

影完相, 我地就諗住入場啦~點知小攸唔捨得隻Kitty呀~想去搵番佢

我好鍾意LEE個佈景, 因為小攸同小攸爸爸就黎生日, 所以係度影相, 可以留念

祝小攸(11月之星) & 小攸爸爸(12月之星)  Happy Birthday!

有人唔肯影相, 要入去坐船仔啦!~

Hello Kitty Land坐船仔幾好玩, d公仔佈景又幾靚

坐完船, 有Kitty show睇, 小攸排排坐係地下睇show, 睇到好入神

之後又入左劇場睇另外一個 show, 主題係"冒險" . 都ok呀~不過小攸太攰睇睇下瞓左

完show既時候, 小攸就起身啦~佢起身就問Kitty呢? 我話Kitty好攰去左瞓覺囉~

一點幾啦~開餐先, 食過快餐繼續玩玩玩.....

如果可以揸走lee架Kitty車幾好呢~一定無人有啦~haha

參觀下Kitty間大屋先, 童話大屋, 我都想有一間喎~

大屋內梗係有Hello Kitty住架啦~同主人影相先, 小攸不知幾開心!

小攸扮開餐.

玩完一輪, 就去左shopping, 我本人唔太鍾意Hello Kitty, 不過見到d精品都忍唔住買左d比小攸呀~走既時候,可以同埋Melody影相添~byebye啦~ 各位卡通人物!

周圍既樹開始變色啦~雖然未變晒紅色, 不過都覺得好靚啦~

離開Hello Kitty Land, 我地就左原宿行街街, 先係露天cafe休息一下, 等小攸食奶奶, 我地就飲杯coffee

天氣好快黑, 五點幾都黑晒啦~

我地經過玩具城, 入左去行下, 有成幾層, 可以買到好多唔同卡通既精品架~

小攸: 好大隻pooh pooh呀~媽媽我想同佢返屋企喔

我真係好鍾意lee張相, 小攸個樣笑得好sweet~~

Elmo車車我要呀~

Shopping 完, 要醫肚啦~我地今日食蟹宴, 之前已經Plan好有一日要食架啦~

我地去番新宿個邊分店食, 終於去到, 環境真係唔錯, 佢比左間房我地坐, 可以坐塔塔米, 有風味, 好good! 完全唔怕騷擾到人添

小攸已經準備開餐咁款

野食黎啦~我唔客氣啦!

我地叫左lee兩個set, 一款係毛蟹為主, 一款就係長腳蟹為主, 真係好多野食, 食到好飽呀~Yummy!下次去東京都要食呀

大廚出場~

食食下有人扭要走呀! 又要搵婆婆, 咁唯有比米奇老鼠佢睇啦~同埋再打電話比婆婆, 傾下計, 每日都要通次電話, 真係痴纏!

其實小攸都坐左成兩個幾鐘, 扭計我都體諒, 加上都成10點幾, 佢應該好攰要瞓架啦~

所以食完飯, 就同佢返酒店, 途中經過Baby Gap, 不過睇左一陣就走啦~今期既衫唔係太啱我心水, 所以無得出血@_@

聽日媽媽同你去八景島睇魚魚, 乖女唔好喊啦!